ابو جيبين والبربري

في السلك
بابكر سلك
ابو جيبين والبربري

*تابعت لقاء اب جيبين بالنيل الازرق
*الرجل كعهده تحدث دون تلعثم
*وكيف يتلعثم وهو الدرامي الامدرماني الاجتماعي وابن الحلة
*اعجبتني قصة المسؤولية المجتمعية للنادي
*النادي شامل لذا يجب ان يكون وجوده شاملا وبصمته شاملة
*والمرحلة تتطلب مزيدا من بسط النفوذ في كل مساحات المجتمع
*المهم
*تاني يوم التلفزيون شغال
*وانا بالغرفة سألت طفلتي
*التلفزيون فيهو شنو ياحلوة؟
*خرجت الي حيث الشاشة وجاتني جارية
*بابا بابا جابوا صاحبك الكنت بتحضرو امس بغني
*جيت جاري قلت ابو جيبين في لقاء جديد
*لما جيت لقيت الاستاذ البربري في اغنية
*سبحان الله الاطفال ملاحظتهم عالية
*المهم
*تقوم الدنيا وتقعد في موضوع كمبالي
*والموضوع لايحتاج لحماقات او لاستراتيجيات محددة كما حصل في موضوع بكري المدينة
*القصة دايرة حكمة في التعامل معها
*ولو كنت فظا غليظ القلب لانفضوا من حولك
*حتي ريكاردو
*مجبور علي ركن كمبالي
*لانه من اتي بعمك المهاجم
*فلا يعقل ان يركن من اتي به كنجدة
*واذا ركنه فهذا دليل علي عدم قناعته به او علي عدم جاهزية المهاجم
*وفي الحالتين ريكاردو الضايع
*عليه
*الحكمة واجبة
*وما تبقي لكمبالي في الملاعب لا يتبقي واحد علي ميه منه لذلك الشيخ البرازيلي الخبير
*وقدامنا بطولة عربية
*حقو نعمل لدنيانا كاننا نعيش ابدا ونشرك كمبالي
*ونعمل لآخرتنا كاننا نموت غدا ونشرك البرازيلي
*بقليل من الحكمة يستفيد المريخ
*المهم
*اكتب قبل لقاء الزومة
*واتمني ان يشرك ريكاردو نفس التشكيلة الكانت مركونة
*فجاهزية كل التيم ضرورة للبطولة العربية
*اها
*التكت حريف لا محالة
*ولكنه زي الكهرباء
*ممكن يقطع في اي لحظة
*تفتح المروحة تلقاها واقفه في محلها
*ودي مشكلة شخصية علاجها عند التكت شخصيا
*ايها الناس
*فريق البطولات يتم بنائه طوبة طوبة
*وكمبالي والجزولي اهم طوبتين في عملية البناء
*أما اذا كنا دايرين نشيل بطولة جوية وبس
*نجيب عشرين محترف يجيبوا الكاس في سنة وفي السنة البعدها نطير من التمهيدي
*يعني زي مشروع (فلان) كدة
*لذا خلونا نعمل باستراتيجية مدروسة
*ايها الناس
*يمكن ان تنجح عملية اعادة تأهيل الاستاد
*ولكنه سيكون تأهيل مؤقت
*وسرعان ماتظهر عيوب الجولوجيا بالمنطقة من جديد
*فنعاود التأهيل
*ولن يقبل الكاف الاستاد
*وهكذا
*الحل حسب ما اري
*استاد بمواصفات دولية مستقبلية
*فالريف الشمالي ام درمان لاعيوب جيلوجيا في اراضيه
*الفدان بمليار
*مية فدان بتعمل مدينة رياضية بملاعب لجميع المناشط
*ومواقف وفنادق وساحات ومساحات ومواصفات دولية
*ان شاء الله ينتهي العمل فيهو بعد عشرة سنين
*المهم ان نمتلك استاد ذو مواصفات دولية بحماماتو ومخارج الطوارئ ومواقف السيارات ومضمار حقيقي لالعاب القوي بالاضافة لصالات ملاعب المناشط الاخري
*والموقع مابعيد
*كلها كم كيلو كدة
*رأيكم شنو؟؟؟
*القديم نخليهو للتمارين والدوري وكدة
*والجديد للمباريات الدولية
*مع ملاحظة ان الجديد ممكن تكون فيهو مدرسة سنية لتأهيل المواهب
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*رمضان السنة ماسخن علينا
*يكون تكتيك يا والينا؟؟؟؟
سلك كهربا
ننساك كيف والكلب قال رمضان كدة ود ميكي كيف؟؟؟
والي لقاء
سلك