قزاز ورذاذ
محمد الطيب الأمين
الشناوى وسمية الخشاب الأتنين موهوبين !!
* إتقان الشعب المصري ونجاحه الكبير في الدراما ينبع من مهارتهم الفائقة في التمثيل.
* بعرفوا للتمثيل ده عِرفة جد.
* الواحد فيهم لو (مثل) ليك إنو مريض ولا عيان ولا مسكين ما عندك خيار غير إنك تصدق.
* تشوف دموع (منى زكي) قلبك يتقطع.
* تشوف حركات سمية الخشاب تصدق من الوهلة الأولى.
* بتقنوا التمثيل لدرجة بعيدة.
* التمثيل يجري في دم حبايبنا المصريين.
* المذيع عندهم .. ممثل.
* التاجر .. ممثل.
* الترزي .. ممثل.
* بتاع الخضار .. ممثل.
* لاعب الكورة .. ممثل.
* لما جوا فاصلة أم درمان مع الجزائر عملوا ليهم فليم كوميدي ورومانسي.
* فيلم كان من بطولة محمد فؤاد.
* بتوعين (طلس) لدرجة تحيرك ذاتو.
* عشان كده الخزعبلات البعمل فيها الشناوى والأهلي الآن ما مستغربة.
* ما غريبة عليهم.
* الواحد فيهم ممكن يضربك ويشكي.
* يشكي ويشتكيك كمان.
* الأهلي زي المريخ في الطبع.
* نفس الطبع.
* لازم يشتكي.
* ما بعرفوا يقعودوا ساي.
* مرات بيكتبوا الشكوى قبل المباراة بي يومين.
* حادثة الشناوى طبيعية وعادية.
* بل الشناوى هو الغلطان.
* طبيب الفريق بباشر في مهامه وبيعالج في لاعب الفريق.
* الشناوى زعلان من الهدف الخشى مرماه.
* خائف من جمهور الأهلي.
* قال أحسن يداري خجلتو ببطولة وهمية.
* داير يداري الخجلة وإهتزاز مستواه بالسخف البعمل فيهو ده.
* ويجب أن لا يصرفنا هذا عن مباراتنا القادمة.
* خلوهم يعيطوا كده.
* مجلس الهلال مطالب بأن يدفع هو الآخر بشكوى رسمية يشرح فيها تجاوزات لاعبو فريق الأهلي وكيف انهم قذفوا بالقوارير المقصورة.
* شكوى رسمية ضد الشناوى وسوء سلوكه.
* كنت أتمنى أن تسبق شكوى الهلال شكوى الأهلي.
* المهم.
* ما تخلوهم يشغلوكم عن مباراة القطن.
* همنا وتركيزنا كلو في مباراة القطن.
* هي المباراة الأهم.
* والفوز فيها يعني الكثير.
* نتجاوز الآن مباراة الأهلي بكل تفاصيلها.
* نسلم ملف الشكوى لعضوء من أعضاء المجلس والباقين ينشغلوا بمباراة القطن.
* ونتمنى حقيقة أن يفعلها صن داونز ويهزم الأهلي رايح جاي.
* فعلها الصن النسخة الماضية.
* النسخة الماضية عندما إتفق (مبيوع أم درمان) مع الأهلي في عملية تواطؤ أطلقنا عليها إسم (بيعة سوق العتبة الشهيرة).
* إن شاء الله يفعلها صن داونز ويفعلها الهلال كذلك.
* و.. و…
* والله في.
نحن نحترم الشعب السوداني ولكن امثالك يفقدون اي ذره من العقل