ماتخافوا
في السلك
بابكر سلك
ماتخافوا
*نتائج المريخ في الاعداد
*اعمار البرازليين الجداد
*مقابلة الترجي قد دنت
*كلها عوامل ادخلت الاحباط في نفوس كتير من الشفوت
*ومافي داعي
*اولا المباريات الاعدادية ليست للنتائج ولكن لاهداف اخري يعمل لها الجهاز الفني وهي جميعها مكاسب
*ثانيا اعمار البرازليين ليست محبطة
*علي الاقل جابهم ريكاردو
*وكأن ريكاردو يريد ان يقول للمحبطين
*لدينا ليما تعرفونه جيدا
*اما لقاء الترجي
*فليس مدعاة للاحباط
*لان الترجي فنيا ليس بالترجي المعروف
*ولان ريكاردو دفاعيا جيد
*ولان النفوس مستعدة تماما لقلب الطاولة علي كل التوقعات المحبطة
*يبقي نتفاءل
*علي الاقل حتي لا نحبط المجلس (المنتخب) في اولي خطواته
*خلونا مليانيين اصرار
*وعلي قدر اهل العزم تأتي العزائم
*ايها الناس
*اي زول عندو شي ايجابي حقو يقدمو للمريخ الآن
*فالمريخ يحتاجنا في كل النواحي
*واولها الاعداد النفسي
*حقو نتفاءل
*والترجي يشوف عوض نقاط ارضو وين
*المهم
*امس تابعت كورة الهلال والوداد وسيمبا
*لكن ماعرفت ده سيمبا الكبير ولا الصغير
*لكن ضربة جزاء علي الوداد الدقيقة تسعين حيرتني
*يعني قانون التحكيم الجديد فيهو نص بقول اي فريق اسمو(كدة)ياخد بنلتي الدقيقة تسعين
*سبحان الله
*حكامنا فاتوا العالم في الحتة دي بدري
*بدري شدييييد
*اللهم لا اعتراض علي حكمك
*المهم
*بدون مانعاكس بعضنا
*العندو شي للمريخ يقدمو بالذات في هذه المرحلة
*وياسلام علي الديناكوردات
*يقدمون دوما بصرف النظر عن منو هم المجلس
*لانهم يستهدفون الكيان لا الكيمان
*فهل لنا ان نكون مثلهم
*ونستهدف الكيان خدمة ومساندة بصرف النظر عن ياتو كوم بدير النادي؟
*تعظيم سلام يا ديناكوردات
*والله كلكم تستحقون رتبة مشير
*ايها الناس
*القمة معسكرة
*المريخ بالقاهرة
*الهلال بتنزانيا
*تفتكروا الاختيار ده عبط؟
*ماعبط
*المريخ ماشي تونس
*برد زي البرد
*تبقي القاهرة كمعسكر مناسبة جدا
*لانها ترفع من درجات التأقلم علي جو تونس
*والكلام ده بينطبق علي الهلال الماشي جنوب افريقيا برضو من ناحية الطقس والتقارب
*لكن صن داونز ده طقوسو زي طقوس الظار
*شي بخور
*وشي ضبيخة
*وشي كبابي
*وشي ريحة
*وشي طلبات
*طلبات يا اولاد ماما
*بتقدروا علي جنس ده يامحمد عبدالماجد؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*قالوا مصر ساقتهم عشان تحل مشاكل لدينا
*مصر دقستهم يا والينا
ليه مافي واحد معلق على الكلام دا،يعني واضح التحيز والتحريض على التعصب بإتهام فاضح إنو الهلال وأي فريق إسمو الهلال التحكيم في صفو،فالناس بس تمسك في دي(دي أخرت التهرب والشماعات) عشان اي حاجة تحصل بس أمسكوا في الحكام…..بالمنطق وبدون اخذ أي طرف دا ما إسمو غش وتحريض انو بس نمسك شماعة التحكيم في أي شئ(لجمهور المريخ) بأنو لو الهلال السوداني(وتحتها خط أحمر كبير) فاز او حقق نتيجة ايجابية او شال بطولة بس قولوا يا مريخاب التحكيم🤨
، أما المريخ وادائه السئ في المباريات الودية(لاحظ ودية) وخسارته فيها لازم الناس تتكلم وتوعي الإدارة مش تسكت وتتطبل،لأنه مباراة الترجي حتكون رسمية(لاحظ رسمية) يعني الترجي ممكن لو عندو مباراة قبلها يلعب بالصف الثاني عشان دي،هنا التعويض صعب لعلمك…أتمن من الجمهوريين العظيمين السودانيين يخلوا التعصب ويتكلموا بالمنطق وعقلانية وما يتابعو البيحرضو للتعب والتريكة الفيها تعصب(الجمهور العاقل الكلام دا ما موجه ليهو للتنبيه)
اخي الفا: سلك يقول للناس ما تخافوا ووضاح انه هو شخصيا خائف. واذا لم يشعر بالخوف من نتائج المريخ في مبارياته الاعدادية يكون هندي. الغريب في الموضوع ليس محاولته الضرب على وتر التحكيم فدة شىء ما جديد بل تقليد ثابت عند اعلام مريخ سولارا. الغريب هو محاولة سلك التشكبك في لاعبي سيمبا وان كان الفريق اللي واجهوا الهلال هو الفريق الاول ولا لاعبي الصف الثاني. وما ذكرته عن التعصب فهذا مرض متأصل في هذا الاعلام السالب وسترى بعد ايام ان شاء الله كيف سيتحول اعلام المريخ من متابعة ودعم فريقه لمهاجمة الهلال.
عمك سلك ده نحن جمهور هلال . ما بتشتغل بكلام كتير لانو زيو وزي ناس عسكور واردول.يعني كلام شايلو الهواء . بس عمودة بتظرو عشان اضحك لانو يمثل شعب المريخ العظيم . هو لو خلي كتابات عن الهلال وركز في مريخو ونصح ناس يشتغلو شغل كورة صاح بيكون أحسن .تحياتي أستاذ بابكر.كن شفت يا والينا الحاله بقت صعبه علينا .الكلب قام ضمه ضنبو وقال ناس مصر في شنو وفي كفيلم القام منهم ده
ههههه والله يا عمك تنقو إنتوا خايفين جنس خوفة لمن قربتوا ته…… وا !!
الترجي برضو عنده طقوس، شي أقوان بالشوال وشي جلد بعد المباراة وشي ماتعرف تقول تلج ولا حاجة تانية… أسي بتقدروا على الكلام ده يا عمك تنقو ؟
خلونا كدي نشوف فلاحتكم مع الترجي (التعبان) ده….. بقيت برضو بتعرف تخدر وتنوم بمهارة فائقة، والظاهر إنه ده تراكم خبرات 😆😆😆
بالخمسات بالستات، نهواه في كل ال. ….
الجاهل عدو نفسه
والعارف عزو مستريح
ده واحد فرحان من الفرحانين بالعجزة والمسنين البرازيليين ههههه دار العجزة اقصد حفرة العجزة والمسنين يمكن الجاكومي ما يجيب قلاب رمله عشان اتملأ بالعجزة والمسنين هههه
الترجي والذكريات بالحمسات والستات
والجماعه راجين الشماته لمحو الماضي
لكن هيهات هيهات وكمال ترباس موجود والذكرى بتصبح ابديه
كلما تجي سيرة الترجي الجماعه المصران الأعور بقوم عليم وبحميهم النوم
كمان ما ننسى دراب الكاردينال في قناة الهلال مع محمد الخير مدعومه برقصة كدبايا الشيره
التي صارت عالميه
ههههه لا انتو حقو تخافوا اوي جه انت ياض بتنضرب من اولاد الموظفين في انبي والدراويش وزي المثل ما بقول دراويش ولاقو مداح ههههه الغريب الوصيف ما طلب تجنيس محترف واحد كان تجنسوا المواسير البرازيليه الغليده العندكم دي الله يستر من السبعات اود فواد نقه والمواسير الغليده حا يعملوا نسخه سرسوب حا تكون كندكه من امها
اتوقع عبور المريخ الي الدور القادم
واتمني عبور الهلال ايضا مع صعوبة المهمة
ههههه فاخ فاخ ياجاح حا تكندك كندكه لمن تعرف حاجه مع اواد فواد نقه واعمامك ديل