انكشحت شوووو
في السلك
انكشحت شوووو
*نحنا لما نقطت نقطة نقطة زعلنا دايرين نطق
*،وانتوا تضحكوا
*تجوا تنكشحوا مرة واحدة شوووو؟
*في لحظة كانت كورتنا درون وكورة الجماعة درون
*قلت سبحان الله نحنا راجيين الله والجماعة ديك راجيين الحكم
*ربك رب الخير انا في كلامي داك وراهم ليك الحكم منو
*التاني
*الجماعة خلوا الحكم بقوا راجيين البلنت
*والجزولي ممبابي ربنا وفقو
*والكورتين مشن علي كدة
*كشحتين تاني زي الكشحة دي
*وتكمل الحدوتة
*والله في حكام كدة زي غطاء فتيل الدواء
*حموها تنكشح نهائي
*لو ماقلووز الحكام ده
*كان تكون دي الكشحة الرابعة
*والكشحات الجايات اكتر من الرايحات
*المهم في الموضوع تظل بطولة الدوري بدون هزيمة او تعادل حكرا علي الزعيم حتي اشعار دوري آخر
*ده لقب صعب مابقدر عليهو اي زول
*واهلينا ارجنتينا
*وبمناسبة الارجنتين دي
*هبوط طائرة المنتخب الارجنتيني علي ارض مطارهم ذكرتكم شنو؟؟
*انا غايتو ذكرتني مانديلا
*ناس محمد عبدالماجد ديل ماذكرتهم شي
*لانهم مابعرفوا درب المطار
*والمطار بي وين؟؟؟؟
*وان كانت صورة ميسي علي(ضنب) الطيارة ظاااهرة
*فاننا لم نضع صورة بريمة علي ضنب طيارة مانديلا
*لانو المريخ مافريق الرجل الواحد
*ده فريق النجوم
*لذا اكتفينا بعلم المريخ وعلم السودان يرفرفان عبر كابينة القيادة يوم مانديلا
*يوم زي ده ناس خالد عزالدين لاشافوهوا ولا حلموا بيهو
*شكرا ميسي عشان ذكرتنا مانديلا
*الزول من يشوف المطار ويتحرق شوقا له اعرفوا مريخابي
*والزول من يشوف المطار ويقعد ماناقش شي
*اعرفو
*اعرفو
*اعرفو مامريخابي
*باقي الجماعة ديل اليومين دي متصلحين معانا
*برغم انو الموضوع بي حقنا وكدة يعني
*لكن حسن التعاون ذاتو كويس
*مستأجرين مفروش
*بي مقصورة كردنة الكان بقعد فيها براهو
*ان شاء الله نقعد فيها لب
*نحنا مستأجرين وحرين
*مستأجرين مفروش
*بي غرفة المخدرات والبلكونات وموية الصحة والرتينزات واي حمير مدفونات
*كلو مستأجرينو
*واحتراما للاهلة
*سنتأهل من استادهم
*الجوهرة
*الشيخة
*الشيخة شيخة السودان
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*القينان البجوا مع القونات عصروا علينا
*مافي مبيد يا والينا؟؟؟؟
سلك كهربا
ننساك كيف والكلب قال احلي القون البجي مع القونة ويلقط النقطة ولا القون التاني الجابو مبابي في الارجنتين واخد نطة؟؟؟؟
والي لقاء
سلك
الحكم تحت امرتكم الاتحاد احمر واللجان حمراء. لم تكتفوا باختياركم لحكام الوصيف لكن زودتوها وبقيتوا تختاروا حكام مباريات الهلال سيد البلد لتعطيله واللحاق به عن طريق الحكام. الحكم الدلقوني المحرش ذبح الهلال بسكين ميتة والغي هدفين صحيحين ولم يحتسب ضربتي جزاء لسيد البلد ولو كان عادلًا لخرج الهلال منتصرا بخمسة اهداف ولكن نقاطكم وبطولاتكم دايما تحسموها خارج الميدان وبدون ادني حياء والاتحاد ولجانه كلها تحت امرتكم ومنكم لله والظلم ظلمات.
درع النعسان جاء بمطار الخرطوم
لا تستحق ان يردوا عليك مقال كلة فاضى فاضى ذى التوب المقصر مقال بامانة لا يستحق القراءة
هههههه ممتع يا حاج تنقو والله، وكل ما شميت لينا ريحة مطار نحن بنستمتع بعد ما اللطيمة تقع وصوت جعيركم يعلي، وتقبلوا على بعضكم تتلاومون وتطلعوا لينا مصطلحات جديدة ذي الدلاقين 😆😆😆
الإيجار المفروش ده ما بيشمل أي أنواع ضبايح في الملعب ولا يسمح بإحضار الجماعة ديك ناس أبو محمد تراوري وأعمامه وخيلانه لأرض الملعب…..!!
الظاهر عليه إنجاز ٨٧ و ٩٢، وتصنيفكم في مقعد الطلاب في الحافلة أفريقيا معقدكم شديد خلاص يا حاج تنقو 😝😝😝
لن انسى ابدا ما سطره يراع كاتب مريخابي نحرير يوما ما في احدى الصحف من ان المريخ حقق انجاز لم يحققه أى فريق في العالم – هكذا والله – وهو الفوز بالدوري بدون تعادل او هزيمة وكأن الدوري اقيم في دولة اوروبية او شاركت فيه فرق مثل ريال مدريد او بايرن ميونخ او اي سي ميلان. كما يحضرني قول شخص من دولة عربية قال لي مرة وبدون اى مقدمات “انتم – اى السودانيين – محتاجين لمية وخمسين سنة عشان تصلوا لمستوانا في كرة القدم , فرددت عليه بحزم “والله لو نحن طموحنا اننا نصل لمستواكم لانتحرنا جميعنا في النيل. نحن نطمح لأن نكون مثل البرازيل او المانيا او الارجنتين او ايطاليا او اسبانيا او فرنسا , فأين انتم من هؤلاء؟ ولحظتها صمت صمت القبور. مشكلة المريخاب انهم يعتقدون بأنهم وصلوا سدرة المنتهى ونهاية التاريخ. كنا نتمنى للانتصارات المتوالية ان تستمر ليس إقتداءا بأحد ولكن لتوسيع الفارق بيننا وبين الوصيف بحيث لا يتكرر سيناريو الموسم الماضي وكنا على يقين من استحالة هذا الأمر لاسباب كثيرة من بينها التحكيم ومرضى النفوس الذين يتربصون بالهلال ويضعون العراقيل في طريقه وفي دواخلهم حقد دفين. الحقيقة التي لا يفهمها هؤلاء ان المريخ لم ولن يكون النادي الذي نقتدي به لانه ببساطة – ليس طموحنا – لأن طموحنا ان نكون مثل الاهلي او الزمالك المصري او اى من فرق شمال افريقيا او مازيمبي , والسؤال: اين المريخ من هذه الفرق؟ التاريخ لم ولن يقف عندكم وسوف يظل الهلال العظيم بدرا منيرا في سمائكم مهما فعلتم. اما التباهي بالإنجازات فقد اصبحت وصفة جاهزة تستخدم لتخدير ناس قريعتي راحت وللتغطية على دوامة الفشل والانقسامات والنزاعات التي يعاني منها النادي والتي انعكست سلبا على فريقكم البائس.
هذه هي اوهام اليخماو وعمك تنقو ياود التجاني والتي رسخت الدلاقين بان الوصيف الضعيف احسن فريق في العالم😹😹😹
زي ما ذكرت اخوي هاجم فقد اكد برنامج الامبراطور اليوم الجمعة ان هدفي الهلال وضربة الجزاء كلها صحيحة. واستغرب خبير التحكيم صبري حقيقة الغاء هدفي الهلال وضربة الجزاء. ومن الاشياء اللي اشار ليها فاول تعرض ليهو لاعب هلالي فبدل ما يصفر فاول ترك الحكم الكورة تمر للاعب الاهلي وكأنه يسمح بال advantage ودي حالة لم اشوف مثلها في حياتي. اقسم بالله القرارات اللي اتخذها الهلال واضرت بالهلال فضيحة بكل المقاييس. نحن كهلالاب طبعا لا نتكلم عن التحكيم لكن دة مؤشر خطير لما يحاك للهلال في مقبل المباريات. ولكن رغم حقدهم الدفين سيظل الهلال بدر منور فوق سمائهم وفوق راسهم مهما عملوا ولك تحياتي.
مستوى كتاب الوصيف نفس مستوى فريق انقذه الاتحاد من الهبوط تحت ستار إيام الفيفا..جمدوا الدوري ومنعوه من ملاقاة حي العرب واتاحوا المريخ فرصة التقاط الأنفاس