الاتحاد الغاني يعاقب الاشانتي
في السلك
بابكر سلك
الاتحاد الغاني يعاقب الاشانتي
*امس لما جيت انوم
*قريت البقرة وآل عمران
*وصليت علي الرسول الف مرة
*استغفرت ونمت
*وانا نايم
*رأيت ليك في منامي مانشيت عريض يتصدر الصفحة الاولي لصحيفة رياضية محترمة
*الاتحاد الغاني يعاقب الاشانتي ويقصيه عن دوري اشبال غانا
*في نومتي ديك
*وفي تلك الرؤية جريت لي تحت اشوف السبب
*لقيت ليك السبب هو انسحاب الاشانتي من دوري اشبال غانا بغيابه عن مباراتين نسبة لتسفير فريق الاشبال للسودان
*فتحت الاذاعة الرياضية اف ام ١١٠٤ بتاعت غانا
*سبحان الله لقيتهم بتكلموا في نفس الموضوع
*وقالوا اشبال الاشانتي قدموا استرحام
*قالوا فيهو نحنا نقر باننا مشينا السودان
*لكن واللاتي والعزة مالعبنا ضد سوداني
*لعبنا ضد الاتحاد الافريقي
*وتاني مابنكررها
*ايها الناس
*انا متأكد اني نمت علي طهارة وتسبيح وصلاة علي اشرف المرسلين
*،يعني الحصل ده رؤية عدييييييل
*المهم
*لجنة الاسناد والدعم الجماهيري ورابطة تشجيع المنتخبات
*تقوم بأعمال كبيرة وجليلة
*وترفع راية القومية
*هي رابطة ضد التعصب السالب
*ستقود من المدرجات تشجيع جميع المنتخبات
*وستقود من المدرجات تشجيع جميع الاندية التي تشارك افريقيا وعربيا باسم السودان
*هدفها الاول نشر الوعي الجماهيري وتفعيل الحس القومي
*فيها ايه لو الهلال جاب كاس افريقيا؟؟؟
*ماذا يضيرنا في المريخ؟
*ويحصل ايه لو المريخ عملها تاني؟
*الهلال بموت؟؟؟؟
*فكونا من تحطيم الآخر وخلونا نتعصب ايجابا ونعمل علي النهوض بانديتنا دون التفكير في تحطيم الآخر
*زمن الشماته الغير مفيده انتهي
*يمكن ان يكون الامر في حدود مداعبات محترمة وبريئة
*لكن ان يصل الحسد لدرجة التمني بفناء الغير
*ده ماسلوك الوسط الرياضي الاتربينا عليهو
*امدرمان دي شالت في قلبها المريخ والهلال والموردة بكل حب واحترام
*والتنافس الشريف داخل الملعب يصل قمته
*ولكن الاحترام موجود في ظل المناكفات البريئة
*اكسر استادك
*تكسر استادي
*ده كلام ماكنا بنعرفوا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*قومية بتعني لينا
*ديمقراطية تساوينا
سلك كهربا
ننساك كيف والكلب قال يجيب القون الغربال يجيبو الصاوي يجيبو الخصم في نفسو هو هدف للسودان يجب ان يفرحنا جميعا…المنتخب ده كان اسمه الفريق القومي
والي لقاء
سلك
هههههههه طلعتوا الاشانتي فريق ناشئين؟ صحيح الاختشوا ماتوا. هي في النهاية مباريات اعدادية. اما تلويحك للهلال بإنه يملك لاعبين من مختلف دول افريقيا فإنت فريقك لديه محترفين من كل دول افريقيا ايضا؟ يعني بقت على الهلال يا سلكلك؟
نيتكم السودة هي اللي حتنفع الهلال في مسيرته بإذن الله. سبق للهلال ان وصل لنهائي افريقيا وقارع كبار القارة حتى آخر نفس في مرتين اثنين بدون محترفين وان فعلها في السابق فما الذي يمنعه من ان يفعلها مرة اخرى مع محترفين؟
نحمد الله. طالما انتوا نيتكم سودة نحن ماشين صاح.
المنام حقك مختلف عن كلامك الكاتبه ومختلف عن كلام القالوا بعد ده كلو ما بتلعب تاني في استاد الهلال
ياريت تقتنعوا بالكلام ده ويقتنع كاهنكم المتشبع بالاحقاد ضد الهلال
كومبارس الكهنوت اليخماو، لا استاد لا رئيس منتخب لا واطة يلعبوا فيها تمرين واللسان أطول من صاحبو.. حقيقة نتمني اللقاء بكم يا أشبال الاشانتي .. حاجة جديدة ان يدفع فريق ينافس في البطولة بأشباله.. تطلقوا الوهم وتصدقونه ههههههههه الليلة الكلب ما هوهو مالوا يا شمار والي الخرتوم
الله يرحم الصحافة .. فقد صارت فعلآ سخافة وكل زول بقرأ وبفهم علي حسب مخو ..
يعني انته يا خونا ( الفاكي ) منك سلك عشان الهلال استقدم فرق ليها وزنها في أفريقيا غلبكم النوم وبقيتو تهضربو أنو الهلال غلب أشبال فريق الاشانتي وفي نفس عمودك ( المكسور ) ده بتقول زمن الشماته انتهي ده عربي ده يا مرسي ياخوي أحسن ركز على مشاكلكم وشوف ربيبك الاهلي المصري حصل ليهو شنو( ولايحيق المكر السئ الا باهله) واللهم لاشماته والله حي وانشاء الله السنه ده الضحك بشرطكم
لن نتقدم ربع خطوة واحده م دام ان الاعلام السوداني بصفة عامة والإعلام الهلالي والمريخي يتداولون والازدراءات فيما بينهم وسنظل هكذا ولن نحقق اي بطولة خارجية اذا كان هلال، او مريخ او المنتخب نفسة
ي أستاذ / م كتبته هو الحاصل ف سودانا العزيز الحبيب ! ! !
المنطق يقول 1 + 1 = 2 و لكن 1 + 1 = 3 صنع خصيصاً ف السودان فهمتوا حاجة ! ! !
سخفيين سياسة و رياضة أبو قرشين
( زيرو فهم ) و هكذا أفكار لن نتقدم بل تقهقر إلى الوراء ! ! !
هذا زمانك ي مهازل فأمرحي و كفى ! ! !
رازين و نطاحين و هلم جرا ! ! !
أصحى يااااااا برييييييييييش ! ! !
ي أستاذ / الصادق م كتبته هو الحاصل ف سودانا العزيز الحبيب ! ! !
المنطق يقول 1 + 1 = 2 و لكن 1 + 1 = 3 صنع خصيصاً ف السودان فهمتوا حاجة ! ! !
سخفيين سياسة و رياضة أبو قرشين
( زيرو فهم ) و هكذا أفكار لن نتقدم بل تقهقر إلى الوراء ! ! !
هذا زمانك ي مهازل فأمرحي و كفى ! ! !
رازين و نطاحين و هلم جرا ! ! !
أصحى يااااااا برييييييييييش ! ! !
انت من القلة العقلاء
كلكم لو هلال ولا مريخ أحسن انكم تلعبو قبلكم هنا في السودان لأنو ما وصلتو المستوي ال بتقدرو تنافسو بيهو الفرق الإفريقية والعربية وما تكذبو علي نفسكم آنتو لسه بعيدين شديد خالص من أقل حاجة وهي ابجديات كرة القدم خلينا من التكنيك التاني.
بتفق معاك ي سلك اننا نبعد عن التعصب
ونقيف مع المنتخبات والوطنية ،
وبختلف معاك في اسم عمودك
انت مالك ومال الهلال يلعب مع الاشانتي ولا نشائي الاشانتي يلعب ب محلين ولا كلهم افراقة ولا برازيلين خليك مع مريخك بس ما تكون مشيت حضرتها ف الاستاد ،
كتير من كتاب كنت اقرا لهم واحترمهم ولكن بتعصبهم الاعمي والحقد والحسد تركتهم واتمني الا تكون انت منهم
بتفق معاك ي سلك اننا نبعد عن التعصب
ونقيف مع المنتخبات والوطنية ،
وبختلف معاك في اسم عمودك
انت مالك ومال الهلال يلعب مع الاشانتي ولا نشائي الاشانتي يلعب ب محلين ولا كلهم افراقة ولا برازيلين خليك مع مريخك بس ما تكون مشيت حضرتها ف الاستاد ،
كتير من كتاب كنت اقرا لهم واحترمهم ولكن بتعصبهم الاعمي والحقد والحسد تركتهم واتمني الا تكون انت منهم
ولك كل الاحترام
بتفق معاك ي سلك اننا نبعد عن التعصب
ونقيف مع المنتخبات والوطنية ،
وبختلف معاك في اسم عمودك
انت مالك ومال الهلال يلعب مع الاشانتي ولا نشائي الاشانتي يلعب ب محلين ولا كلهم افراقة ولا برازيلين خليك مع مريخك بس ما تكون مشيت حضرتها ف الاستاد ،
كتير من كتاب كنت اقرا لهم واحترمهم ولكن بتعصبهم الاعمي والحقد والحسد تركتهم واتمني الا تكون انت منهم
ولك كل الاحترام