عماد الصيني لاعب الهلال
على ضفاف الحروف
عبد اللطيف ابو مدين
عماد الصيني لاعب الهلال
نرحب بشدة بعودة ولدنا عماد الصيني لدياره وبيتوا القديم وحبابك عشرة بين اخوانك موضوع العقدده خليهو علينا بنجيهك تب ونظبط ليك امورك وندفع لك شرطك الجزائي عشان بيت البكاء يسخن شوية .عارف ليه ياولدنا الصيني لانوا الوصيفاب ديل سنة أولى إدارة ماناقشين حاجة في الإدارة خليها لينا بس مقول ادارة توقع عقدين مع لاعب العقد الأول كان في تاريخ 12 مارس 2019 ينتهي 12 يوليو شهر 7 اللي فات تمام كده عقده الأول مع الوصيف انتهى نجي للعقد الثاني كان في 12 يوليو شهر 7 نفس تاريخ انتهاء عقده الأول ينتهي 12 يناير 2024 عقد اللاعب في سيستم الانتقالات ينتهي في يوم 12 شهر 7 الفات . حبيبنا ابو الهل استغل الثغرة وتم التوقيع مع ولدنا الصيني على أساس هذا التاريخ وبناءا على ذلك ومعرفة ادارة نادي الهلال بأن اللاعب عمل عقد جديد لكن قانونيا غير ملزم لأنه خارج فترة القيد والسيستم غير مفتوح في تسجيلات رسمية تحت رعاية الفيفا ذي ما بيقولوا شخبطة ورق ساي يبلوه ويشربوا مويته.ولدنا الصيني سلفا لو ما عارف وواثق من نفسه أنه في السليم وانو العقد العملوا مع الجماعة الطيبين فاصو ما كان وقع مع الهلال بقوة قلب عفارم علي والله بالله اديهم درس في الادارة ويتعلموا لزمانهم ان ادارة الهلال اذا مسكت موضوع بتظبطه تمام .بعدين يا وصيفاب زول قال ما دايركم واداكم قفاهو جارين ورا ليه احسن يجي لسيد البلد ويختم مشواره الكروي مع النادي الأول في السودان.* الهلال شغال تشليع في الوصيف الدائم ولسه هم شافوا حاجه بعد تسجيل ولدنا الصيني فضل اولادنا طيفور ومحمد حامد (التش) والمحترف النيجيري ايدجو .* وصل في الساعات الأولي من فجر اليوم المدرب الكونغولي فورلان لقيادة فريق الهلال في الموسم الجديد وكان في استقباله المهندس محمد ابراهيم العليقي وسوف يقوم الهلال بتقديمه غدا الخميس في مؤتمر صحفي لكل وسائل الاعلام ان شاء الله.* الحمد لله وصل أمس وفجر اليوم كل المحترفين الذين سوف يتعاقد مهم الهلال وفق الرؤية الفنية للمدرب الكونغولي .* كل حاجة ولا الهلال
اللهم صلي وسلم علي سيدنا محمد وعلى آله وصحبه اجمعين
مبرووووووووك عليكم الصيني لا يلزمنا كشف الزعيم مرصع بالنجوم ان شاء الله تتحملوا سلوك الصيني ويرفع معاكم كاس افريقيا …….العرجي لمراحها
كتاباتك لا تشبه فريق الهلال، راجع مقالك ده كويس، كلام مشجعين ليس إلا، خليك عندك موضوع ياخ، الزيك ده هو سبب نكسة الهلال
ناس فاركو كمان قالوا العقد غير ملزم في تعاقد سيف تيري
لحدما وديناه الخور عن طريق الفيفا
ناسك شغالين اجاويد وتنازلات عشان المريخ ما يصعد للفيفا و تتوقفوا فترتين وانت جاي تاجج النيران يا مستجد .
امشي خلي مزمل يديك دوره في كتابة الاعمده
الصيني موقوف لسوء سلوكه من قبل
ادارة المريخ.. الصيني يلعب ويغيب
مباراه.. هنيئا لكم يا ناس الصفر
القرني..
المريخ مدرسه واهم شيء للاعب
السلوك..
الصيني تم شطبه من الهلال لسوء
والا يتم تسجيله مرة اخري
.. عجاااااائب الدنياااااااا