فرح الغلابة

على ضفاف الحروف
عبد اللطيف ابومدين
فرح الغلابة
لما الواحد يكون محروم من حاجة وفجأة يجيهو امل ان يصل اليها ما بصدق انها امامه ويقبض فيها بايديه ورجليه ويتفاجأ انها مايها المقصودة .  فدحين ده الحصل على الجماعة الطيبين ناس العرضة جنوب فرحانين فرحة شديدة بكأس الجنينة اي والله ماقلتا ليكم دا ياهو ذاتو الي بقولوا عليهو فرح الغلابة المساكين والمحرومين طوال الموسمين الفاتوا من ريحة التتويج والكاسات ليكم حق تفرحوا .الجايات اكتر من الرايحات ونلقاكم قريب في كأس السودان عشان نشيل التتويج الثاني ان شاء الله .
* لاعبي الوصيف من بداية المباراة الظاهر عليهم خاشين بحماس وتوتر زايد  عن المعقول في سبيل أن يحرزوا كأس الجنينه يبالوا بيهو عطشهم شويه حتي ولو كأس ودية و بأي تصرف عنفواني  ودا ادي  للخشونة الزائدة على لاعبي الهلال ما أدى لإصابة المدافع محمد أحمد ارنق  والحارس أبو عشرين غير المخالفات الخشنة امام مراء وناظر  الحكم . ساعد على ذلك تهاون لاعبي الهلال وعدم رغبتهم وجديتهم في مردودهم الفني.واللعب علي الواقف إشارة لعدم اهمية المباراة.*الهلال يكمل اتفاقه مع نادي كاسا سبورت السنغالي بانتقال لاعبه “لامين دياديو” صورة رسمية مقابل 250 ألف دولار * ولدنا محمد حامد (التش) اقترب من التوقيع لسيد البلد ساعات وتتضح ملامح
الصفقة التي سوف تزلزل العرضة جنوب وفي اخبار عن تفاوض الهلال مع اللاعب طيفور الايام الجاية سوف فيها مفاجآت مفرحة للجمهور الهلالي امسكوا
الخشب وتفاءلوا خيرا بأسماء المحترفين القادمة إلى كشف الموج الازرق من حيث المردود الفني والبدني وعطاءهم مع أنديتهم الموسم السابق في البطولات الافريقية.
*المدرب الجديد الكونغولي فورلان اشترط قبل وصوله تنفيذ كل الاختيارات من أسماء المحترفين التي طلبها اضافة الى تسجيل حارس مرمى ووقع اختياره على حارس منتخب غانا للمحليين ابراهيم دانلاد الحارس المميز الذي أصبح الحارس الأول لمنتخب المحليين ويبلغ عمره 19 عاما والذي سوف يشارك مع منتخب بلاده في بطولة افريقيا (الشأن 2023) كما سبق له الفوز بجائزة أفضل حارس في بطولة افريقيا للشباب 2021 التي توج بها منتخب بلاده والذي سوف يشكل
إضافة لحارسة مرمى الهلال مع الحارس ابوعشرين  .
* كل حاجة ولا الهلال

اللهم صلي وسلم وبارك علي سيدنا محمد وعلى آله وصحبه أجمعين