بل(الآبري) الأحمر

في السلك

بابكر سلك

بل(الآبري) الأحمر

*أمس كان بل الآبري الأحمر من المغرب
*أصلو المغرب هو إعلان لاحتساء الحلو مر المبلول
*البشوفهم بتضرعوا في ملعب السلام
*يقول الريال المصري
*وكمان نطاطين
*اتفقوا معانا (حسب التسريب) ونطوا
*ده حقنا
*الذمة بانت
*قال ملعب السلام قال
*السلام عليكم ورحمة آلله تعالي
*أيها الناس
*شفتوا الجمهور؟
*لاقاكم زول شتم لاعب؟؟؟
*شفتوا اللاعبين؟
*لاقاكم لاعب بره الشبكة؟؟؟؟
*شفتوا الجهاز الفني؟؟؟
*لاقاكم فيهو زول متوتر ووتر معاهو الناس؟؟؟؟
*شفتوا القون الأول؟؟؟؟
*لاقاكم عاطف القوز؟؟؟؟
*شفتوا الفريقين؟؟؟
*لاقاكم مشجع اتصل على عضو مجلس واتدخل في شأن إدارى؟؟؟
*شفتوا الإداريين؟؟
*لاقاكم واحد فيهم بضقل؟؟؟؟
*شفتوا أمن الملاعب؟؟؟
*لاقاكم زول فيهم وشو على الملعب؟؟؟؟
*شفتوا النهائي؟؟؟؟
*لاقاكم في أحلامكم تواجدنا فيه قريب ده؟؟؟؟
*أيها الناس
*أبعد الأندية الأفريقية من التواجد في نهائي زي بتاع أمس ده
*هم
*المريخ والهلال والقطن التشادي
*طالما مشجعنا بمسكل لإدارينا
*وإدارينا برجع ليهو
*طالما إدارينا يكنز الهتيفة لأجل صياغة الكذبة
*طالما مشجعنا الأصلي لا يهتم بعضويته
*وبمناسبة الأخيرة دي
*وبحسب النظام العالمي
*أصبحت الأندية قومية ما ولائية
*وبموجب الأنظمة الأساسية يحق لأي زول في أي حته في العالم أن ينتسب كعضو يتمتع بالعضوية
*الحتة دي إلزامية
*وكان للمريخ شرف التمتع بها منذ أكتوبر 2019 عند إجازة النظام الأساسي قبل أي تعديل أو تزوير لا سمح الله طرأ عليه
*عشان كده العضوية دي مهمة شديد
*وبتبعد الكتير من المصلحجية من التواجد الدائم بأروقة النادي ليستفيد بعضهم
*متاجرة بالأصوات في الإنتخابات
*سيطرة على الإداريين الباحثين عن البقاء والمحتاجين لهتيفة
*لأنو العضوية المستنيرة هي المقصد
*وسنين وأنا أتحدث عن العضوية
*وكنت أردد
*دايرين العضوية أم راس
*ما العضوية بالراس
*لأنو العضوية بالراس تسهل سواقتها بالخلا
*وتأتي لنا بمن لا يستحق مقاعدنا
*وسنعود
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*يحدثونا عن رفع طوارئ والشوارع بي بنابينا

سلك كهربا

ننساك كيف والكلب قال مافي بندقية بتبقى طورية
وإلى لقاء.