المريخ بين هلالين..انضرب جوة وبرة الملعب..!!
قزاز ورزاز
محمد الطيب الأمين
المريخ بين هلالين..انضرب جوة وبرة الملعب..!!
* عدد كبير من كتاب المريخ تحدثوا خلال اليومين الماضيين عن عدم عدالة منافسة الدوري الممتاز.
* قالوا المريخ لعب القمة في الأبيض وجا مرهق لعب أمام هلال الساحل بالخرطوم.
* طيب مـا الهلال لعب القمة في الأبيض وجا مرهق لعب أمام الشرطة القضارف بام درمان.
* ولا عشان عندكم (نقطت).
* شنو يعني جيتوا مـن الأبيض ولعبتوا بالخرطوم؟
* وين المشكلة طيب؟
* قالوا المشكلة إنو لعبنا في السخانة وعز الشمس.
* أها ولعبية هلال الساحل كانوا لاعبين تحت مظلة ولا شنو؟
* ولا كانوا رابطين ليهم مكيفات؟
* السخانة الانتو لعبتو فيها ناس هلال الساحل برضو لعبوا فيها؟
* بس الفرق إنو المريخ في مباراة الهلال (الإبن) فقد الحكم صبري الذي أدار مباراتهم أمام الهلال (الأب).
* هم ما اتوقعوا هلال الساحل يقيف معاهم.
* ما اتوقعوها.
* عشان کده ما جابوا صبري.
* وبعد (نقطت) قالوا البرمجة ظالمة لعيبتنا في الشمس والهلال لعب بالمساء.
* يعنى لو لعبتوا بالمساء كان ممكن تغلبوا.
* عالم عجيب والله.
* المريخ كتر عليهو الضرب.
* بعد الضرية الإدارية المتعلقة بقضية الثلاثي تعادل الفريق أمام هلال الساحل.
* وأنا صراحة وبعيدا عن العقوبات التي وقعت على المريخ فيما يتعلق عن قضية الثلاثي اعجبني جدا متابعة الهلال الشكوى.
* الهلال دائما نفسو قصير في الأمور القانونية.
* ولكن الحمدلله لجنة التطبيع حددتها مع ناس المريخ.
* صرف الهلال على هذه القضية وتابعها بدقة كبيرة.
* محمدة كبيرة والله.
* الحرص على حقوق الهلال مطلوب.
* ايضا تنتظر من لجنة التطبيع ان لا تنسى (بيعة العقبة) التي حدثت بين الأهلي المصري والمريخ.
* دي برضو قضية كبيرة تحتاج لتصعيد ومتابعة.
* المهم.
* الهلال اليوم يواجه تحدي الأمل.
* وهي مباراة لن تكن سهلة.
* الحذر واجب.
* سعدنا بالانتصار الكبير والعرض الجميل أمام الشرطة القضارف.
* وعلينا أن نواصل بذات القوة والحماس.
* نضرب بيد من حديد.
* نحن الآن في الصدارة.
* ونعيش صحوة جيدة للفريق.
* صحوة فنية وتالق لافت لعدد كبير من المواهب بقيادة الفنان روفا وميسي والطيب عبد الرازق والشعلة والفريال وابو عشرين.
* وحسنا فعلا مجلس الإدارة وهو يمدد عقد أبو عشرين.
* نأمل ونتمنى أن تشهد الايام القليلة القادمة تجديد لعقد روفا.
* نريد أن يكون هنالك تأمين لكل مواهب الهلال.
* و ..و ..
* والقادم اجمل.
تعرف انت واحد عندك عقدة اسمها المريخ وانت م لاتصلح ان تكون حتى حارس
اضرب ي ود الطيب بيد من حديد كلامك بقطع الفشفاش لناس النعامة جاوزت اقصد ناس المريخ ههههههاي ديل ناس مابنطير برانا هههههاي تحياتي
الجماعة المخدرين لسي المخدر شقال مساكين ي مرخرخين ههههههاي
اها الليله جماعتك لعبوهم مساء اها عملو شنو ? طلعم الحكم من الهزيمه
و قد لعبوا امام الخرطوم الوطني بالمساء و برضو نقطت
لكن طبعا كانت الاضاءة ضعيفة و الحكم طرد من المريخ لاعب و الكورة ذاتها ما كانت مدوره
غايتو ياود الطيب انت اوود عبدالماجد يوم واحد فيكم بيجلط ليهو دلقوني 😹😹😹😹