طيفور السرور

في السلك

بابكر سلك
طيفور السرور

*فزنا على كوبر صاحبة الأداء الجميل
*طيفور السرور جاب الأول وصنع التاني
*التمريرة لي بيبو كان مكتوب على ديباجتها
*ميد إن المدارس السنية
*وخريج المدرسة السنية طبعا لا يؤدي بالأمية الكروية البنشوفها
*وعيب في هذه الألفية أن يعاني الناس من الأمية
*والجهالة الكروية سببها في الأساس الطريقة التي تدار بها الكرة في هذا البلد المنكوب
*سوء الإدارة على جميع الأصعدة
*أدى لهذه الأمية الكروية والأداء بجهالة مخجلة
*وإن لم تتغير مفاهيم وطرق إدارة الكرة بالبلاد
*صدقوني سنة تلاتين تشاد حا تدينا سبعة صفر في المدينة الرياضية
*(المدينة بالما)؟؟؟
*لك أن تقارن أداء المريخ قبل وبعد دخول طيفور
*ده حالتو دارس واااااحد
*فما بالك إن ضمت التشكيلة ستة من الدارسين؟؟؟؟؟
*الله يكون في عوننا
*المهم
*نقل الممتاز بقى زي نقل الكلى
*تلاتة شهور مطابقة وفحوصات ومعدات وأجهزة
*وفي اليوم المحدد لإجراء العملية
*يوم كورة حي العرب
*لا شفنا عينك لا عينك شافت النور
*شوف أخير منو السمع
*وقبلنا بذلك
*فالطشاش في بلد العمى شوف
*اللهم متعنا في أبصارنا وفي أسماعنا واجعلها الوارث منا يارب العالمين
*المهم
*قطاع الجماهير بقيادة الأخ الكريم والهميم مرتضى بتري
*أقام اجتماعا كبيرا للتفاكر حول مساندة الزعيم في مبارة القمة
*وطبعا شغل زي ده ما بعملوا إلا مرتضى
*وشغل زي ده ما غريب على مرتضى
*فمرتضي قام بمثل هيك عمل حتى وهو خارج المجلس بل خارج القطاعات المساعدة
*لأن مرتضى ارتبط بالمريخ ككيان وبس
*ولا يعرف الأخ مرتضى إلى يومنا هذا الكيمان
*كومو واحد وبس
*هو الزعيم
*بالتوفيق يا بتري
*وبالتوفيق للمريخ
*فنحن في طريق تقليص الفارق في الفوز بمباريات القمة بالممتاز وفي الفوز بالممتاز كإحصائية
*سئمنا من نهواه في كل الظروف
*بالذات بعد ضقنا متواليات الفوز بالممتاز
*ومتواليات الفوز على الهلال
*وحلاوة الفوز على الهلال بالممتاز بعقر داره
*المهم
*انتقاد مجلس حازم يسيطر على الساحة
*ولكني أرى أن المجلس قد اعترف ضمنيا بأخطائه ولو أنها كانت شنيعة
*وأنه قد استفاد من سلبيات بدايات عهده
*حقو ما (نضغطم) عشان تحت الضغط الزول ما بشتغل
*والضغط على المجلس يخلق توترا قد يمتد للملعب
*وعشان ما يحصل كده
*نخفف الضغط
*ونحول النقد لمقترحات تعالج السلبيات
*وندعم المجلس ولو معنويا
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*شمار فولكلر شنو ماتدس علينا

سلك كهربا

ننساك كيف والكلب قال الكلاب عملوا ليها مدارس من صغااار بدربوهم ينبحوا متين ويعضوا متين ويلبدوا متين….مدارس سنية إنتوا لي أسي في درة التسجيلات وصرة النص؟؟؟
وإلى لقاء.