ادب الاستقالة
في السلك
بابكر سلك
ادب الاستقالة
*الانسان بدون مبادئ يفقد القيم وببقي زول ساي ما انسان بمعني الكلمة
*والحياة دي كلها خطوط حمراء
*حتي اعتي المجرمين لديهم خطوط حمراء لايتعدوها
*وادب الاستقالة مظهر من مظاهر انسانية من يمارسه
*و هو مبدأ من مبادئ الانسانية الراقية
*ويقوم هذا الادب علي ديمقراطية الممارسة الشخصية والقناعات الواثقة من نفسها
*واسبابه كثيرة
*قد تكون اقتناع صاحبه بالفشل في مهمتو وبالتالي يريد ان يتيح الفرصة لغيره
*لان هدفو الاساسي هو نهوض المؤسسة لا بقائه علي رأسها ساكت
*وقد يكون سبب الاستقالة مساس الادارة التي ينتمي لها بمبدأ هام وتخطيها لخط احمر عريض
*فالمستقيل يمارس الاستقالة حفاظا علي مبدأه لا حفاظا علي موقعه
*ولكن في الآخر نجد ان الاستقالة وعدمها هي جهاز كشف الانسان ان كان صاحب مبادئ او زول ساي
*وبقياس ذلك علي مجلس المريخ
*نجد ان الاخ بدرالبدور قد استقال احتجاجا علي مساس العملية الادارية بالقواعد والاسس التي يفترض ان تكون ديدن العمل
*ولم نستغرب لان بدر البدور زول مبادئ حسب معرفتنا اللصيقة به
*ولكن ما لم نفهمه هو عودته او اعادته او محاولة الزج به من جديد
*فاذا كان المجلس قد قبل استقالته
*لا نظن ان هناك بند من بنود النظام الاساسي (المدسوس)يجيز للمجلس القومة من قرار قبول الاستقالة السابق
*وبدر كزول بتاع مبادئ لا يقبل مخالفة القانون لاجل كرسي ابتعد عنه بخاطره تمسكا بمبادئه
*لذا لم نفهم وضعه الحالي
*وماقلناه عن بدر تقوله عن كابو
*استقال(بالقاهرة)لاسباب تتعلق بالمبادئ
*ثم طلبوا منه تأجيلها الي مابعد كورة الاهلي(الكارثة )
*والآن نجده بالمشهد ولانفهم الصفة
*الاخ جلال عبدالماجد ولانه رجل مبادئ وقيم
*استقال بسبب موضوع(تأهيل الاستاد)
*رفض ضرب كل القيم بعرض الحائط فكبر في نظر اصحاب المبادئ والقيم برغم انه كبير
*وبعدها ماشفناهوا في المشهد
*الآن
*وبعد كلام الجاكومي بالفيديو الداقين بيهو ناس الزمالك الطار
*اي موقف اتخذه اعضاء المجلس؟؟؟
*فهل صمتهم يعني ان الامر عادي؟؟؟
*ام انه هدوء يسبق عاصفة ردة فعل تعيد للكيان هيبة وسمعة ومكانة؟؟؟؟؟
*ام ان الكراسي اهم من المبادئ؟؟
*يقول لطفي بوشناق
*خدوا المناصب والمكاسب لكن خلولي الوطن
*يا وطن وانت حبيبي
*انت عزي وتاج راسي
*انت يافخر المواطن
*والمناضل والسياسي
*انت اجمل وانت اغلي
*انت اعظم من كراسي
*والمريخ وطن ياناس
*المهم
*انتصرنا علي هلال الرمال
*باليافع الجديد والجزولي اللضيض
*وداير اسأل
*موضوع الجزولي حصل فيهو شنو؟؟؟
*الموضوع ده ماهين
*واعلموا نجمة
*ولكن نحن في انتظار موقف المجلس
*البقت بقت
*والكلام الاتقال صعب
*وكان الاجدر ان يحقق المجلس مع رئيسو موش يحقق الرئيس مع نائبه
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا المكلف علينا
*حواء البلد دي ممكن لطفي بوشناق تلدو لينا
*ولا لامبادئ لدينا؟؟؟؟
سلك كهربا
*ننساك كيف والكلب قال أعمق كلام سمعتو انا حلمي كلمة واحدة ان يظل عندي وطن
*لاحروب لاخراب لامصائب لامحن
والي لقاء
سلك
سوداكلابي
في كل بلد دستور واثث وقواعد لكن دستور السودان ناقص بنود كتيره واول بند لا مكان لكلمة استقاله والا ما كنا نتجرع المر عشرات السنين مع حكومات لا شرعيه لها
ما كان المدعو شداد وشلته يحكمون ويتحكمون
ما كان لمعتصم البرواز في الصورة والحاكم الاصلي تائبه ان يغودو ليجكمو
ماكان بالانديه طشاطت غسيل ترهق الانديه ما كان حازم قدر يقرر براه يلعب في مصر
ماكان الجاكومي تجارا وقال كلامه الفضيحه
ماكان وزير الكهرباء قاعد لي هسي والبلد مضلمه
ماكان وزير الداخليه قاعد والاولاد بموتو في الشوارع
ما كان البلد ولعت عشان برهان وناسه بحبو الكرسي
السودان بلد العجايب
لا استقالات
لا محاسبات
لا حياء