في السلك
بابكر سلك
شهر العسل
*كما توقعت كانت القمة مميزة
*أداء وأخلاقا وروحا
*وكان الجمهور الحاضر داخل الإستاد أنيقا جدا ونضيييفا
*وكان السماني في الموعد
*الزول ده قصتو شنو مع الهلال ماعارف
*أي كورة ضد الهلال شبطك شبطك
*لو قعد في بيتهم سنة
*وجا يوم كورة الهلال
*عودو راكب
*لو قاعد في بيتهم عودو راكب
*برغم إنو الهدف الأول أمس كان هدية عشرينية من أبو عشرين
*كالعادة
*لأنو مشكلة أبو عشرين مع العكسيات
*زي مشكلة الجنيه السوداني مع الدولار
*كلو يوم بتتأزم
*إذا أبو عشرين بين الخشبات ما عليك إلا تعكسها وبس
*براهو بدخلها
*زي ما عملها يوم كورة المنتخب مع لبنان في دوحة العرب
*لبنان غلبت واحد جابو أبو عشرين
*كان حارسنا وطلع هداف المباراة
*الهدف التاني بتاعنا هدف ملعوب وجميل
*توني وشوشها وروقها ورقدها
*سبحان الله
*القصة دي ذكرتني لما مشيت مصر شهر العسل
*مصر ياها مصر
*ولذة العسل ياها لذة العسل
*نفس الطعم
*شهر العسل ده قصة مابتتنسي
*معظم السودانيين كانوا بسوقوا عروساتهم مصر لشهر العسل
*لذا ارتبطت مصر عندنا بالنشوة وشهر العسل
*وأمس انتشينا
*أيها الناس
*الهلال ماكان كعب
*وارجعوا للاحصائية
*لكن المريخ كان منضبطا تكتيكيا وأخلاقيا
*فلم ينفلت تكتيك ولم تتفلت أخلاق
*وكانت تلات نقاط
*رفعت رصيدنا لأربع نقاط من مباراتين
*الأهلي نقطة من مباراة
*صن داونز أربع نقاط من مباراتين
*أبو الهل نقطة من تلات مباريات
*زي نقطة الفنانات
*قبضها وقعد
*أيها الناس
*ما عاجبنا مركز الهلال طيش المجموعة
*ونشد من أزره ونقف معه ليتجاوز هذه النقطة عله يرافقنا للتأهل
*فأنا وأخويا على ابن عمي
*وإذا مشى الهلال الحتانة
*نثق في أنه سيحاول في الموسم الجديد
*فالهلال رب المحاولات الذي لاييأس
*تسعين سنة ونيف بحاول
*والأميرة السمراء تقول لهم
*محاولتك لا تتم بطريقة صحيحة
*نرجو إعادة المحاولة لاحقا
*أيها الناس
*جهود الهلال التي بذلها لن تضيع هباءً منثورا
*فالاستاد الرائع وتجهيزه بما يناسب المطلوبات
*ماحا تاكلو الشمس
*حانلعب ليهم فيهو للسنة الجاية
*الوكت داك تكون بطولة أفريقيا الجديدة بدت
*ونكون نحن أكملنا عملية إعادة تأهيل استادنا
*أيها الناس
*نشكر سوداكال على شكوي تيري التي تدر على المريخ دولارات بالهبل
*وقبل ذلك نشكره على تقييم أبو عشرين التقييم المناسب الذي كان سببا في رحيله عنا
*أيها الناس
*سيتحدث بعضهم عن ضربات جزاء وشراء حكم وعلاقة حازم بالخطيب وعلاقة الخطيب بشطة وايد شطة اللاحقة داخل الكاف
*لن يتحدثوا عن السماني
*وانا لن اتحدث عن التحكيم
*فقط انظروا لموقع محمد عبدالرحمن لما مرر ليهو عيد الكرة
*مبروك السودان
*مبروك الثورة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف علينا
*قدر مانقول نترس مصر دي نمشيها معسلين
سلك كهربا
ننساك كيف والكلب قال في مصر معسلين ومصر بلد المعسلات
وإلى لقاء