هل إنت يا الشاذلي جادي !؟
لهيب النار
=======
هل إنت يا الشاذلي جادي !؟
________________
كتب : هاشم الطيب
_______________
& بعد أن عمت الإشاعات القرى والحضر عبر كل وسائل التواصل الاجتماعي والاذاعات أف. أمات وما مات بأن الريس الشاذلي إستقال!! ؟
& منو الزعلك ياريس ورينا عشان نوريه المكشن بلا بصل كما تقول حاجه مرحومه “ده إسمها” !!
&وهل إنت كنت جادي أم قصدت تشوف مقاس الزيت “أقصد الحُب”.؟
& قبل فترة كتبت قلت بلدنا راكبها جن أحمر وتحتاج لكل شيوخ البلد وحفظة القراءن يفتحوا الكتاب عشان الجن يخرج !!
& حلم ولا علم؟ يارب يكون شمارات ساكت !!
& نحن ناس الرياضة أقصد كورة القدم الخرطومية بأن الرب استجاب لدعوات أهل البلد ورزقنا بولداً كنا في إنتظار مولده كمل لبن أمه فكان هذا الشاب الوضئ جميل القول واللسان الشاذلي ود عبد المجيد هبة الرحمن !!
& حبيناك يا الشادلي حب ما حباه زول لزول ولا بشر لبشر ولا جن لجن معقول نفرط فيك بعد طول إنتظار سنيناً عددا نبقى فعلاً بعقولنا لوثه !! & عام اتنين وعشرين ليه تبدأ معانا بالساحق والماحق طفشت حمدوك وقبل ما تجف الدموع منو الهداك تقبل على حبنا الجديد ود عبد المجيد ؟! & الحمد لله بلدَنا لا زالت بخيرها مادام فيها سلطان بنسمع قولو أحسن حسن وبرقو شلع وأعاد لنا؛ شادلي خريف الرتوع لأرضنا التي أصابها الجدب وأصبحت كورتنا غبراء فاقدة الطعم ولون نرفع لك يا سلطان كل القبعات والطواقي والعمم لأنك أعدت لنا حبيبنا الذي كنا نبحث عنه لسنوات طوال …
آخر النضم :
—————
السيد الفاضل لا أقصد الدولي أبوشنب بل المقصود هو رئيس إتحاد كورة الخرتوم عموم الشادلي نحن شعب العاصمة المثلثة نعلنك بأن ٩٩٪ أصحاب ضغط وسُكري ومصارين عصبيه نحملك مسئولية حياة معشوقتنا المحبوبة ولو حدث لها قدر الله نشير بالعشرة بأن السبب هو شخصك ونطالب بالقصاص فقط !! توقيع الحكم (م) هاسم….
هاشم الطيب قربت تقول لا الصابر انا ولا الباكي وريدك من عواتي الريح المو واضم عليه جناحي… يا اخوي خليها حبوبتك التقول ليك واسمعني كويس حسن برقو زول مصلحة بخطط لبعيد وحبيبكم الشاذلي مع برقو في حله وترحاله ومسعول من الخير يا الحبيب هل لا زلت شدادي الهوى انت واسماعين وعبدالخالق ود الشريف تجيدون العزف الأشتر وحبيبك الشاذلي معول هدم للمريخ..تشبث بالمنصب او تركه نحن لا نعول عليه ان يكون عادلا بشبه بلوله وتعاونية ورمزي وأمين خضر وباني القدم التهاني وصلاح سر الختم والناس الما بتخاف من الله… تغزل ما حلا لك وخب كما تشاء ف حب الناس مذاهب ومن الحب ما قتل لكن رشاشات ابوالهل ثبت حقدهم فعليا الازلي والدليل آهو يا قيس ابن الملوح هههههااي قال منتظرنو من زمان!!!!!!! مين ود عبدالمجيد؟ هلا بالطش والرش ورجعنالك عشان يسكت جرحنا…رجعنالك جينا…بالوشاية…عقد الفرحة فينا… تحياتي يا راكز لكن زعلتني شديد ياخي
الصبي العجوز مستعارخي بقي ما بشوف ولا بيسمع إلا بعيون وإضنين أستاذه وملهمه الكاهن الأعظم أليخماو، أي مسئول رياضي في السودان في نظره هلالابي عاوز يهدم الحفرة العميقة ويشتت شمل المرخرخ المترخرخ أصلا وما محتاج هدم أكتر من الهو فيه ببركة دعوات المساكين الكبوا قروشهم في الحفرة العميقة !!
شداد وبرقو وحتى الشاذلي عبد المجيد كلهم عاوزين يهدموا فريق بردلوبة الأسباني هي أقصد السوداني !!
لكن النصيحة لو محكمة كاس ردمت المرخرخ ممكن توديهو تحت إدارة الشاذلي عبد المجيد، وإتخيل كدي في برنامج عالم الرياضة في الإذاعة يقولوا ليك في دوري الدرجة الأولى العاصمي، المرخرخ يلاقي الشموخ الصاعد بصوت صلاح أحمد على 😆😆😆
إنعل أبو الهلوسة ذاتو !!
سبحان الله هذا الخام نازل شمال من وين؟ من جاء هؤلاء؟ انا اصلا ما كتبت تعليق لو كنت اتوقع هذا الجلفوط المتعربج والمهوس بفوبيا المريخ هههه مرخرخ؟ ومين الصبي العجوز؟ في الحقيقة الرياضة السودانية ماتت من يوم جاء ع ر ب ظ و ط وفقد ابوالهل بريقه من ظهرت كارتة العربجي في العرضة شمال …