بسم الله الرحمن الرحيم
في السلك
ارنق تنق
*تاني من بلدنا قام رحل زول جميل
*زول جميل جدا كمان
*الكابلي مدون الاغنية التراثية الذي اخرجها من باب العرف الي فضاءات التدوين والتنويت
*فانطلقت عبر حنجرته المتمكنة الي اجيال تتداولها
*لولا ذلك لاندثر الكثير من اغنيات التراث الخالدة
*تغني بالعربية الفصحي
*فادهش العرب الفصيحين
*لانه غني كلمات تمت كتابتها في صدر الاسلام وبطن الاسلام وحتي من قبل الاسلام
*الكابلي ثقافة تمشي علي قدمين
*واذكر وانا طالب بالجامعة
*استضفته كمتحدث في ليلة التراث التي صاحبها معرض للتراث من خلال الاسبوع الثقافي للطلاب
*ادهش الحضور بحضوره الانيق ومعلومته الحاضرة
*وكان نصيب الحضور الدهشة فقط
*المجال لايسعنا
*ولكن نقول للكابلي ان خبر رحيلك امطر لؤلؤا من نرجس وسقي جضوم جدبت واحدودبت فعضينا علي شلاليفنا بما تبقي لنا من سنون واسنان
*اللهم ارحم الكابلي رحمة واسعه وانزله منزلة الصديقين
*ومنازل الشهداء الايام دي في السودان(فل) مليانة تب بثوار في عمر النوار نسأل الله ان يتقبلهم وينتقم لهم ويجزيهم عنا كل الخير
*المهم
*اكتب قبل لقاء منتخبنا والمنتخب المصري
*واعود للقاء منتخبنا بشقيقه الجزائري
*سمعتوا بارنق تنق؟؟؟
*زمان الزول الماناقش بقولوا عليهو زول ارنق تنق ساي
*عمرنا كلو بنسمع بارنق تنق لكن ماشفناهو
*نحمد الله عشنا وشفنا ارنق تنق القاعد ساي
*ونشكر للهلال انه اتاح لنا فرصة رؤية ارنق تنق مباشر
*وزمان الناس لما ينتقدوا لاعب كورة
*بقولوا والله ده بجليها واقفه
*وبرضو ماشفنا زول بجليها واقفه الي ان فتح الله علينا برؤية ارنق تنق
*الهدف الجزائري الاخير مسخرة
*ونحمد الله كثيرا ان ناس المنتخب لم يخرجوا علينا مبررين للهزيمة بان الملعب كعب وتسبب في هزيمتهم
*ونسأل الله في كورة مصر مايودونا للملعب الكعب بتاع قطر
*تحت تحت قالوا قطر زاتها عندها ميدان عقرب
*هو ميدان عقرب براهو
*ملاعبنا كلها بقت مياديين عقارب
*بالمدينة الرياضية
*التي دخلت سن اليأس ولم تنتهي بعد
*ومن شروط قبول الملعب الاجلاس والحمامات
*ونحنا استاداتنا عن بكرة ابيها
*جلاليبها فوق وتحتاج لكمامة لو جيت ماشي جمب الاستاد
*وبعد ده
*تسمع تصريحات علي شاكلة حانلعب المجموعات باستادنا
*استادنا بالسا ولا بالحمامات
*ستظل استادادتنا بالكمامات بدون حمامات مهما ضغطونا
*لاننا بنيناها علي كدة
*ولانو عقليتنا كدة
*تقبل ان نرفع جلاليبنا امام اي حيطة وخلف اي عمود
*حركة كأننا تعلمناها من الكلاب
*والخوف تكون الكلاب قد تعلمتها مننا
*اقول قولي هذا ومنتخبنا علي ارض الملعب للقاء مصر
*والله يسترنا من مصر مصر
*لانريد نصرا ولكنا لانريد فضيحة
*الفراق كبير
*طالما يتملكنا الجدل الفارغ في ادارة شأننا الرياضي
*زولي وزولك
*واساليب في الانتخايات مخجلة
*وتبريرات طول مدة تولي المسؤولية
*السياسي عندنا والاداري
*لايجيدون غير تبريرات الاخفاق
*ومع احترامي للسياسة والسياسيين
*الا ان تعريف السياسة عندي هو
*ان تكذب مرة وتظل طول العمر تكذب لتبرر الكذبة الاولي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا المكلف علينا
*بامانة وتكليفك مؤقت فينا
*الا انك شغال يا والينا
سلك كهربا
ننساك كيف والكلب قال الخوف نرجع من قطر وابوعشرين اسم علي مسمي
والي لقاء
سلك
قد يعجبك أيضا