كلو تمام دوري وقمة للأقمار

هههههههه والله ضحكتني أستاذ عبدالمنعم بوصفك الدقيق بانو المريخ يمتلك مجموعة كبيرة من الملاكمين إداريين ولاعبين. ما حصل امبارح فضيحة ويشهد الله انو الوصيف نفد من هزيمة كبيرة. كورة النفاثة اللي اعتبره كبيرهم اليخماو لاعب مصاب ومنتهي واللي رد عليهم امبارح رد عملي – على الطائر – كانت تكون اجمل هدف. وكورة الغربال في اخر دقيقة كان تكون الرابعة. وزي ما قلت عجايز المريخ “بلطجي المدينة” والسماني الصاوي وامير كمال مارسوا كل أنواع الضرب والملاكمة ولكن في النهاية لا يصح الا الصحيح.

واحد من المريخاب المهووسين مسمي نفسه “خالي شغل” حلف قبل مدة بالطلاق انو الهلال لو قابل المريخ في اى مباراة – بعد حليفته – حيرشه “هكذا قالها بالحرف” رايح جاي. وانا ما عارف الان قصته طلاقه دي نهايتها شنو الا يكون الزول دة ما متزوج.

اما محمد موسى فقد اثبت بإنه مريخابي حقيقي لانه في استديو التحليل لم يقدم التهنئة للهلال ودة شيء ما غريب على واحد مريخابي.

مبروك للهلال وللهلالاب والكاس كاسنا انحن اهله وبنستاهلوا.