ارض النفاق
حدق العيون
خالد سليمان
ارض النفاق
• شر النفاق ما داخلته اسباب الفضيلة … وشر المنافقين اؤناس لم يستطيعوا ان يكونوا فضلاء بالحق فصاروا ( فضلات ) بشئ جعلوه اشبه بالحق …
• كثير ( اشمئزاز ) وغير قليل من ( التقزز ) والمرء يتابع ( قافلة المنافقين ) التى رافقت الفريق القومى … اقصد التى رافقت ( السلطان ) برقو ….
• شحذت ذهنى لادراك مقاصد تلك ( القافلة ) فحرت دليلا …. ترى لم ملأ السيد حسن برقو تلك الطائرة برتل من ( الصحافيين ) ؟؟؟
• هل تحتاج مباراة اعدادية مع اضعف منتخبات العالم ( النيجر ) لجيش من الاعلاميين ؟؟ عن ماذا ذهبوا يكتبون ؟؟ عن فريقنا القومى ؟؟ ام عن السيد برقو ؟؟؟
• ترك السلطان لاعبيه فى الخرطوم وحشد طائرته بمن ظلوا لتلميعه وفيين … تركوا لاعبا كانوا يحتاجونه وشغل مقعده حارق للبخور ..
• ترى ماذا يفيد ( محمدكامل سعيد ) فى اعداد المنتخب ؟؟؟ وماذا يجنى ( فيلود ) من وجود ( ودالشريف ) ؟؟؟
• ما هى معايير الاختيار عند السلطان ؟؟؟ اهو الولاء ؟؟؟ اليس لافتا للانتباه ان يقع الاختيار على من ظلوا يدبجون مقالات التسول ( الرخيص ) ؟؟؟
• لا يعنينى كثيرا شان اكثر ( المتهافتين ) فهؤلاء كانوا اكثر تصالحا مع الذات واختاروا ذلك الطريق …
• انا اعنى من صدعوا رؤسنا نفاقا …. و كتبوا عن قيم وفضائل لم يمارسوها يوما … ترى ماذا هم فاعلون بالهدايا والغنائم والاسلاب والمكارم التى انعم بها عليهم اهل ( هزاع ) ؟؟؟ اليس هم الذين ( تعففوا ) منها ذات يوم ؟؟؟ اولم ينكرونها عندما منحت لغيرهم ؟؟ هل سيحتفظون بها ام سيودعونها متحف ( الاثار ) ؟؟ ام سيتبرعون بها الى دار الايتام ؟؟؟
• ذهب الدكتور ( مزمل ابو القاسم ) الى الامارات ( غازيا ) بعلم تسلح به … وبشهرة عمت الورى .. ذهب وهو اشهر من برج خليفة الذى لولا السطان لما رأيته …. فبماذا ذهبت انت لبلاد زايد ؟؟؟
• ظل ( محمد كامل سعيد ) يسخر من لاعبى المريخ والهلال فى كل مبارياتهم فى كاس الابطال ويصفهم باقبح الاوصاف … لكن ( فجأة ) اصبح منجد النيل اعظم من حامد بريمة … والسمؤل احرف من تنقا لمجرد انهم يلعبون للفريق الذى يرعاه ( السلطان ) مع ان الفارق الزمنى لم يتعد الشهر الواحد …
• نحن لا نملك الا ان نضحك للاسطر ( الزائفة ) … نضحك لهذا النفاق ….
• حقا … لكل امرء من دهره ما تعودا …. وعلى قدر اهل العزم تاتى ( الولائم ) …. اقصد ( العزائم )….
• اخر الحدقات :
• عندما تقدم المريخ بشكوته تقدم بها الى اعلى وارقى وانزه وانظف هيئة تحكيم فى العالم وعندما تقدم الهلال بشكوى قدمها للجنه ( الفاتح بانى )
• شكوى المريخ صاغها وكتبها صفوة ابناءه وشكوى الهلال ( لقيطة ) بلا ام ولا اب …. ولدت ( سفاحا )
• اخيرا هلل ( الاهله ) لنقاط ( المكاتب )
• حتى فى ( الشكاوى ) درجة تانيه …..
• الطبال طلع طبااااال ….. ولا غرابة ….
انت زول كبير في السن ا
تطبل لمزمل شهرته في الاسلوب ال.. الذي يكتب به… الشكاوي يا شاطر تخصصكم.. افهم الشكوى اولا تقدم للاتحاد السوداني ثم الفيفا ثم كأس وود كامل مريخابي فاضحكم… كلمنا عن هاشم جنية وشكوي كأس لو صحيح بتدعى النزاهة
مقال ركيك يدل علي عدم وعي
وإنت يا أبو المستعار المندلاوي المتلون، الكاهن الأعظم أليخماو أداك شنو عشان تطبل ليه ؟
عربيك ذي الدراب البتلقطه وتجي تردمه هنا، عشان كدة ما بنفهم منه غير الشتيمة !
لعن الله الطبالين أينما حلوا، وعيب كبير زول يطبل لزول في عمر أولاده، لكن التنظيم الحزبي في المؤتمر البطني اللعين الله لا عاده، بخلي الشيبة تتذل، وكلو سببه المال !!
ما وريتنا، الصورة دي لطشتها من وين ؟
ههههههه انت حارقك عشان ما مشيت معاهم ولا شنو . بعدين تعال هنا يا .. مين القال ليك انو مزمل ابو القاسم بتاعك ده لما كان فى الإمارات كان اشهر من برج خليفه بطل كزب مزمل ابو القاسم كان بكتب فى صحيفه تعبانه وما عندها اى سوق وهسه وقفت ليها زمن طويل اسأل مزمل بتاعك ده خليهو ينكر كان …. قال شنو ذهب وهو أشهر من برج خليفه ههههههههه هو ذااتو لما مزمل كان فى الإمارات برج خليفه كان ما موجود … ههههههههههههههههه
أين تعليقي
يا عمنا بطل حقد وحسد و نفاق علي قولك انت مقهور وزعلان عشان تجاوزك الاختيار للسفر مع الاساتذه الاجلاء هون عليك يا عمنا ما ينفجر ليك عرق احقد منك ما شفنا ياراجل الله يهديك
سلمت يداك والله
يا هو دة “حقد العيون” ولا بلاش. والله مع اختلافنا مع الأستاذ ودالشريف لكننا نحترمه لانه كاتب محترم ونحترم بنفس القدر الأستاذ محمد كامل. اما انت أيها… فقد كشفت نفسك بطريقة يرثى لها وكأنك ترد ان تقول يا ناس برقو اختاروني وليس الاخرين. خلي مزمل يختارك يا حاقد.
اكتشفنا ان من ينتقد د. مزمل تهمل تعليقاته !!!!!!!!
انت يازول بقدر تقرا الكلام البتكتبو دا ؟؟؟؟؟!!!!!!
اشك في ذلك
الشكوي للكتبا عدار في كنبة الاحتياطي في ورقة ما مروسة الصاغا منو قلت لي ؟؟؟؟!!!!
ههههههههههه
القارئ مثقف ومطلع م تخمو الناس ساي
بعدين ما تحفظو ليكم كلمتين وتحشروهن في حته
كدي اشرح لي كيف شكوي الهلال لقيطة لا ام ولا اب
نسأل الله السلامة من شكاويكم البتترفض شكلا قبل كل حاجة