الخرطوم الوطني بشيخو وسوداكال بمحايتو!!
قزاز ورذاذ
محمد الطيب الأمين
الخرطوم الوطني بشيخو وسوداكال بمحايتو!!
* هل تفتكر دي صدفة؟
* هل ولا ما هل؟
* تتعادل أمام أهلي شندي في أول مباراة بعد ذهاب سوداكال.
* ثم تتعادل أمام الخرطوم الوطني في ثاني مباراة بعد ذهاب سوداكال.
* دي صدفة ولا حاجة مقصودة؟
* لو صدفة هل الصدفة ممكن تتكرر في ظرف أسبوع مرتين؟ والمرتين بعد ذهاب سوداكال مباشرة؟
* لو افترضنا إنها حاجة مقصودة هل هي مقصودة من سوداكال ولا من اللاعبين ولا من (شيخو)؟
* وشيخو ذاتو (شيخين).
* والشيوخ خشم بيوت.
* في شيخ كورة زي شيخو (بيسجل وبيصنع).
* وفي شيخ (بخور) من بره الملعب وبرضو (بيسجل وبيصنع).
* وشيخو البره الملعب ده هو الذي سيهبط بالمريخ إلى الدرجة الأولى.
* ما عندكم سكة إلا تقولوا لسوداكال (أرجع تعال).
* أرجع تعال عود ليا ورجع حنانك ليا.
* وخليني في جواك وشدد حراسة عليا.
* كنتوا ماشين في أمان الله متصدرين وما عندكم عوجة.
* سمعتوا كلام اعلامكم السالب أو كما قال (الكوز) جمال الوالي الشهير ب(عزو).
* سمعتوا كلام الإعلام السالب وقلتوا ما دايرين سوداكال.
* مع إنو سوداكال أفضل رئيس مر علي المريخ.
* ترضى ولا ما ترضى هو أفضل رئيس جاك.
* أفضل من جمال الوالي الذي في الأساس هو (هلالابي).
* هلالابي قام زرعو عمر البشير في المريخ.
* وطبعاً أبو العائلة ما محسوب لأنو هلاليتو أوضح من هلالية صلاح إدريس.
* براك قلت ما داير سوداكال.
* قلت ولا ما قلت؟
* أي.
* وقلت ليه؟
* يقول ليك لانو زول كعب.
* كيف يعني كعب؟
* يقول ليك لأنو فرط في أبو عشرين.
* أبو عشرين ب(الحاء)؟
* طيب يا الفالح امبارح رمضان عجب لعب ولا ما لعب؟
* محمد الرشيد لعب ولا ما لعب؟
* قوم على حيلك.
* فيهم واحد نفعك؟
* النافع الله.
* بصمات سوداكال بدأت تظهر الآن.
* بصمات واضحة جداً.
* العاجبني في سوداكال إنو ح يتفرغ ليكم بعد كده.
* والله صحي.
* سوداكال لما يكون في المعارضة صعب شديد.
* ممكن يصرف في المعارضة أكتر من القروش الصرفها في الرئاسة.
* ولسه بصمات سوداكال ح تظهر لما يطالبكم بالديون.
* انت عارف ديون سوداكال كم ولا ما عارف؟
* (٧٠٠) مليار.
* دي المسجلة.
* وهنالك ديون صغيرة صغيرة.
* وتعال اناقشك.
* انت فاكر دخول الحمام زي الخروج منه؟
* والله سوداكال ده يعمل فيكم عملية النجار في الخشب ما عملها.
* اقعدوا (نقطوا) كده لما تلقوا أهلي مروي بقى وصيف الهلال.
* سوداكال زعلان.
* ليه زعلتوا (سودا)؟
* في زول بيخلي سوداكال يزعل؟
* ما بتقدروا على زعل سوداكال.
* ح يكلفكم كتير.
* عموماً نحن نطالب الأخ سوداكال أفضل رئيس مريخي نطالبه بضبط النفس والتعامل بحكمة.
* نرجو منه عدم التصعيد.
* الناس ديل كفاية عليهم شيخ الخرطوم الوطني.
* وغايتو السنة دي بالذات يا متنا من الضحك ويا كمان الضحك كتلنا.
* وتبكو بس .. عين قطرة وعين مس.
* ونركب صافنات ونجيبة (خرطومية) واصلو الزول بيموت والذكرى تفضل حية.
* و.. و..
* وبقليبك تقول لي تعال وتعال وبعيونك تقول لي …………. (المحاية) تقيلة .
العربي المسيخ البارح لعب ابوالمعاطي عفوا ابوالحسن الذي أنهى المباراة قبل الزمن ونقض هدف صحيح لمحمد الرشيد لا غبار عليه ولم يحتسب هدف الكورة دخلت المرمى لكن نقول شنو مع حسد وحقد الرشاشات امثال ابوالحسن كوم اللحم… سجلتو ابوعشرين وعطلتو رمضان والرشيد وبخيت وحاليا بتجهزو في كبري تولوز الفرنسي وسفر تيري ومعاهو كبري فسخ عقد اديلي انتو دايرين قرون وقرون عشان تطلعوا من عقدة المريخ واصلا الهلال كل سنة بجهز في عوامل ضرب المريخ ولا عندو هم في أبطال أفريقيا ولا يحزنون وهسه شوف حجم البلاء والنكبات بسبب الهلال وسوداكال عامل رايح وكلكم فاهمين لكن تعودتم على السحت والحرام والدليل ناس مجدي تمكين زاحفين على السوباط والعليقي وشركات البترول حقت الكيزان وبرضو تقول الهلال نادي الوطنية المفترى عليها زورا وبهتانا ياخي انتو اكبر كيزان ومفروض شعب المريخ ال ٩٠% من تعداد سكان السودان يحاسبكم لانكم دايرين تقننوا الغسيل ولسه الحساب عسير ونحن ما دايرين غير حق الشعب السوداني يرجع من شركات الكيزان الواضحة وبلاش دفن وغتغتة كلو مكشوف والطاهر مدير أعمال متعافن كمان… وجدي صالح شوف شغلك وما تجامل يا نبتة والمقرن ضل الكيزان الحساب عسير ونحن ما دايرين غير حق الشعب السوداني وعلى عينك يا تاجر وبكل قوة عين ومن غير خجل دايرين تدفنوا اموال الشعب السوداني ..هههه الهلال غارق في بعزقة حق الشعب السوداني إلى الحساب.
هههههه. ياود الطيب كلامك ده بيولع نار في صبيان اليخماو وناس ابو المستعار 😹😹😹
بالله يا أبو الهجوم شوف كمية الحقد والحسد المستعار ده كيف ؟ تعليقاته كلها كوم اللحم والسخفي وغيره من الكلام الشين البمسحوه ناس كورة سودانية !!
والغريبة إنه راجل طاعن في السن وناهز الثمانين في عمره، ومع ذلك ألفاظه يالطيف !!
الناس الفي سنه حضروا زمن السينما كانت مدرسة بتعلم، ومعظم الناس الفي سنه بروفات وعلماء، ياخ حتي الناس الكانوا بليدين أسي أقل واحد فيهم عنده كتابين تلاتة، بس هو غير الصلعة والفقرة المانعة والشلاليف الكبار ما طلع من الدنيا دي بي حاجة، شكله كان زمان بدك المدرسة !!
الصبينة في عمر كبير ما حبابها 😆😆😆
يعني انت هسي صحفي وهل دا أسلوب صحفي وعايز توصل شنو للقراء انو قون رمضان العمل البمبان وأقوان الرش بتاعت السماني المن بره 18 واقوان تيري الأخيرة كلها بسبب سوداكال وشيوخ سوداكال والدجل وكدا طيب بي فهمك دا ياصحفي ياواعي يامتعلم ليه أندية نيجيريا تركت الأهلي المصري يفوز ب 10 بطولات وليه كاس العالم مافازت بيهو نيجيريا او دولة أفريقية بها متخلفين وجهلة لديهم إيمان بالسحر. انت فريقك اخر 4 مباريات مرشوش ومحشوش من المريخ اللي بدون إدارة ومدرب ويرشك انت وفريقك وشداد وحكامه ولجانه وهشام حسن اجب سواق سفارة السودان بهولندا قبل ويبقي هشام السوباط
اعوذ بالله منهم ياابو صلاح. ماعندهم شي غير الشتائم وساقط القول وطبعا لا تستغرب فهم تربية كبيرهم الذي علمهم السحر كبير الكهنة اليخماو
ههههه يا صلاح بلوله انت فاكرني انا ابوالمستعار المندلاوي الذي طير نوم عبنك؟ وبعدين عملية السبعين والثمانين نسأل الله ان يمنحنا عمر طويل ونشوف ونعايش الأوهام التي يكتبها وارد الرتينة بقت احيييييا متين اشوف الخرطوم؟ سبحان الله العظيم والله انا ممكن عمري في عمر احفادك يا المدعو صلاح وانا والله لا ابوالمستعار المندلاوي ولا يحزنون شوف ليك زول تاني وشبح آخر وعملية السخافة انت اكبر سخافة في الإساءة وسب خلق الله ولا تخاف حساب الله ولا تكترث للموت اهو كل يوم تسي وتسب وتعلن وتوصف خلق الله بابشع الالفاظ هههه قال شلاليف انت يا عنصري تقصد ناس محددين وافصح احسن من السخف والقروية الموغلة هههه صلعة وشلاليف؟ يا بلوله عليك الله انت من وين يا هناء؟ اي لوري واي باص واي قطار حدفك على الخرطوم؟لعلمك السودان ذاتو يتبرأ من أمثالك العنصريبن المتخلفين.