الصارقيل سوداكال!!

لهيب النار

هاشم الطيب

الصارقيل سوداكال!!

& من أجل أن يفهم حديثي وايضا شباب اليوم الذين لا علاقة لهم بالبحر والنهار والترده وصيد السمك والجباده والسناره والصارقيل واجب على أن أعرفكم ب(الصارقيل) ..
& الصارقيل هو دوده شريطيه تعيش تحت الارض المروية القريبة من الأنهار وعند جذور الأشجار يستفيد منها صيادو الأسماك في صيدهم كطعم للسمك ومن الغرائب إن هذه الدوده كلما قطع منها جزء يتواصل نموها مثل ذنب الضب لو بتر نبت من جديد !!
& نعود للأستاذ آدم سوداكال رئيس عموم شعب المريخ في الحضر والباديه والفرقان والوديان وكل أصحاب الرأي السالب في رئاسته وقرارات إتحاد شداد ولجنته الثلاثية سوداكال ياهو سيك سيك معلقه فيكم رضيثوا أو أبيت ا !!
& السيد آدم دخل ديار المريخ وما قال كش وأصبح الناهي والآمر وكل ما يظهر رأي في عدم أهليته للقياده هو يمد لسانه وتاني الصارقيل يزداد طولا !!
& الزول ما هوين تهبشوه من هنا الزول عرف دروب الفيفا والكاف وكمان الكأس !!
& لجنة سعادة اللواء شرطة عامر بن عبد الرحمن الثلاثيه قررت تجريد رئيس نادي الزعيم من منصبه ويخلي مقعده فورا طلع الراجل حفظ النظام الأساسي وقوانين الاتحاد العام السوداني وقال ليهم الماده ١٣ و١٤ a تسند ضهري ورسالتي للكاف وال(كأس) رسلناها ويا لجنه ثلاثيه قراراتك َموصوها في مويه بارده وأشربوها.!!
& سوداكال ماك هوين وليس بصارقيل ولا أنت ضنب الضب انت شوكة الحوت اللا تنبلع لا تفوت الما عاجبه بحر ابيض وازرق بحير نيالا أشربوا منها آدم آدم قاعد زي تمثال تهراقا !!!
رساله خاصه :
__________
الأستاذ الكبير الإعلامي الشامل مراسل كوره سودانيه من بابنوسه نرفع لك القبعات وانت تعبدنا لسبعينات القرن الماضي الشبيبه وكاكراج وود المكي والرابطه وخالد والفرفة ٢٢ نحن في أنتظار رسائلك اليوميه وشكرا للاستاذ مجذوب لبحثه عن تميز (كورتنا السودانيه)