مع الطاهر يونس واخوي الكاشف (1)

*افياء*

*أيمن كبوش*

*مع الطاهر يونس واخوي الكاشف (1)*

# (التعاقد كان تلاتة مواسم ونص لانو فيهو نص الموسم الفينا ده انا ما داير اركز في التلاتة مواسم لانو دي حاجة انتهت علينا بنص الموسم ده لانو جا ولعب فيهو جزو ومشى، اي لاعب معروف يعني في العرف الرياضي بيتعاقد معاهو موسم يعني الموسم يعني قانون مافي لاعب تتعاقد معاهو عشرة مواسم أو خمسة مواسم ونجي نقول ليهو ده مليون دولار يلا انزل العب مافي نادي في الدنيا بعمل كده ويرمي قروشو في رحم الغيب يعني اي نادي بتعاقد بالموسم ويكون في مقدم وبعدين بتكون في رواتب شهرية واستحقاقات وحوافز كده يعني في القانون الرياضي.. أنداي اخذ 200 الف دولار كيف اخد ال200 الف دولار خلينا نشرح لانو الزمن الجا فيهو أنداي كان الفريق مسافر ونحن المدرب قال بعد تتعاقدو مع أنداي طوالي تقطعو ليهو تذكرة وهو عايزو في البطولة وفعلا تذكرتو كانت جاهزة وكده، جا أنداي وكان آخر يوم في التسجيلات طبعا كل التحويلات المالية بتم من مكتب المستشار ابو ناصر بعد التحقيق والورق والعقودات والمطلوبات وهي الطريقة العادية البتتعامل بيها كل المكاتب المحترمة والشركات يعني مافي قروش بتطلع كده في الهوا يعني بتراتيبية مالية وإجراءات ودورة مستندية معروفة بتتعامل بيها اي حتة محترمة آآآآآ اللاعب أصر ياخد مبلغ قبل عملية التسجيل يعني ضغوط طبعا بالنسبة للنادي تبعو اتحولت ليهو مبالغو من السعودية رأسا طيب بعد كده القروش كان ممكن تتأخر يومين تلاتة واااااااااا اتصلنا على هشام إذا كان في إمكانية يدفع المبلغ الهو عايزو فعلا كانت الإمكانية الوحيدة اتصلت بأحد الهلالاب الخلص اخونا الجميل جدا الهلالي علي ازرق الوقف معانا كتير جدا في مواقف كتيرة طبعا انا بقول الكلام ده وبحيي الريس هشام وشهادتي مجروحة لما قدمه آآآآآ علي هو الدفع المبلغ المالي من حسابو 200 الف دولار وواحدة من الحاجات انا بشكر الأخ ايمن كبوش على شجاعتو ودي الحاجة المطلوبة هي انو الواحد ما يتستر وراء الحديث المبهم أو المرسل ويقول الكلام محدد والأخ ايمن برضو كتب وانا بحييهو على شجاعتو وبعتبرو من الصحفيين الشجعان ويمكن اليوم انا بختلف معاهو اختلاف مهني ومافي حاجة شخصية لكن انا بقول انو كتب الحاجات بدون مواربة وهو طبعا في اعتقاده أن المبلغ أكبر من كده ودي واحدة من الحاجات الكنت بتتكلم عنها وانو سلمتو انا فقط شخصيا وغيبت عنو الامين العام ونائب رئيس القطاع كده يعني والحقيقة هي انا والأخ نزار على طول الخط موجودين مع بعض في المسيرة دي يمكن الحاجة الوحيدة النزار ما حضرها هي تسليم المبلغ ده وما بعني اني سلمت المبلغ من خلال باب خلفي والشهود الأخ علي وشقيقو وانا والوكيل ومندوب تركي واللاعب وجانا الأخ مهيار لأننا طلبناهو عشان يجي ويجهز العقود والأوراق ووصل بعد بعد سلمناهو وحتى أصروا الجماعة أن يعد المبلغ ده وهم ما عندهم اي مشكلة ممكن يقعدوا ساعتين تلاتة لانو الورقة الواحدة عبارة عن مائة دولار تماما تماما بكامل شهودها هؤلاء بعدها أنداي طلب طلب آخر وهو أن يحولو ليهو مبلغ 180 الف دولار السنغال ويخلو مبلغ 20 الف دولار لانو في السنغال المشكلة انو السنغال ظروفها مشابهة للسودان.)
# انتهت الجزئية التي أردت أن اناقش حولها فيما ذكره الأخ الطاهر يونس الذي ارد اليه تحيته بمثلها وهي تحية واجبة ومستحقة واشكره على ما ذهب إليه في شخصي، اما ما ذكره من إفادات فقد حفل بالكثير من المغالطات، سواء تلك التي تليني بشكل شخصي أو تلك التي تخص اللاعب ابراهيما انداي الذي تعاقد مع الهلال لموسمين ونصف، وليس ثلاث مواسم ونصف كما ذكر الأخ الطاهر، حيث يدفع النادي، ويمثله في السداد المستشار تركي الشيخ مبلغ 300 الف دولار منها 200 كمقدم عقد ثم 100 دولار أمريكي كمرتبات شهرية، اما إجمالي التعاقد فهو مليون وأربعمائة الف دولار.. نواصل.