قزاز ورذاذ
محمد الطيب الأمين
المريخابي يكون فرحان بالفوز أول ما يتذكر سوداكال رئيس بيصُر وشو !!
* اليوم عندي رغبة أناقش المريخاب بهدوء.
* الهدوء بيساعد على الفهم.
* واحدة واحدة كده.
* شفتوا (الطريقة) الفاز بيها سوداكال على الهلال هي نفس الطريقة الحيقعد بيها (15) سنة في المريخ.
* أجيب ليكم أخبار حلوة من وين حبايبي أنا.
* مش أنت قلت المريخ فاز على الهلال (كورة عديل) ؟
* طيب أوكي .. مالك ما قدرت شلت سوداكال من الرئاسة؟
* مش قلتوا الفيفا شالتوا وحازم جاي؟
* مالوا قعد؟
* وهل انت كمريخابي شايف إنو وجود سوداكال في الرئاسة قانوني؟
* حسب كلامكم ما قانوني صاح؟
* طيب الزول ده قاعد بياتو فهم وبياتو وسيلة؟
* عملتوا جمعية عمومية في الإستاد الجماعة ردموكم بمبان صاح.
*جريتوا عملتوا الجمعية في صالة أفراح.
* وقلتوا دي جمعية ما حصلت في تاريخ المريخ.
* هو تاريخ المريخ فيهو جمعيات؟ ما كلو تعيين في تعيين.
* قلتوا جمعية الصالة حسمت الأمور.
* وباي باي سوداكال.
* اها مشى؟
* ولا قاعد؟
* قوم على حيلك.
* لا مشى ولا ح يمشي.
* تجروا الفيفا ولا لوزان ولا الكونغرس الراجل ده قااااااعد.
* تشتم شداد ولا عبد الحليم حافظ الراجل ده قااااعد.
* تعمل مسيرة ولا إعتصام الراجل ده قاعد.
* تكورك لجمال الوالي ولا تنادي سمير غانم الراجل ده قاااااعد.
* قاعد بنفس الطريقة الفاز بيها على الهلال .
* وتعال اناقشك.
* انت لو مريخابي مستغرب في استمرار سوداكال رغم الفيفا والمظاهرات والسجون انا برضو كهلالابي سيد بلد مستغرب في فوز المريخ على الهلال.
* وأنا لا قول فوز المريخ وإنما اقول فوز سوداكال.
* انت فاهمني؟
* والله يا جماعة رغم (البخور) أنا مبسوط جدا من سوداكال.
* زول بارد وما شغال بي زول.
* المريخابي تلقاهو فرحان ويضحك مبسوط بالفوز على الهلال وفجأة لما يتذكر سوداكال هو الرئيس بيصُر وشو.
* والله صحي.
* امبارح معاي مريخابي يضحك ويغني منتشي بالفوز فجأة كده اخد ليهو سرحة.
* سرح وملامح وشو اتغيرت.
* قلت ليهو مالك؟
* قال لي ما في حاجة.
* والله افتكرت جاهو خبر بكا.
* لكن معاي واحد قال لي الزول ده اتذكر إنو الرئيس سوداكال.
* قوم على حيلك.
* قلت ليكم الزول ده قاعد في المريخ ١٥ سنة قادمة.
* مش جمال الوالي (الكوز الناصية) قعد ١٤ سنة؟
* يلا سوداكال ده بقعد بالميت كده ١٥ سنة.
* ١٥ سنة غير السنوات القعدها دي.
* عشان ما تفرح وتقول ال١٥ سنة مرت منها أربع سنين.
* وين يااااا.
* لسه ما بدت.
* تاني جمال الوالي يشمها قدحة.
* وحازم ما بدخل السودان.
* عندك سوداكال وود الياس.
* تاني ما عندك زول.
* ود الياس ما بقدر على الشغلانية دي.
* أهو غضب الصحراء خيار أول واخير.
* وحتى لو ما دايرنو برضو ح يقعد.
* نحن ندعم وجود سوداكال لأسباب عندها علاقة بالقومية الوطنية.
* المريخ ما حق زول عشان تحاربوا سوداكال.
* صحيح زمان المريخ كان حق (سيدة فرح) لكن هسه ما حق زول.
* وسوداكال ود بلد ومن حقه أن يترأس المريخ.
* ولذلك نحن ندعم القومية الوطنية.
* و.. و..
* وكاتبني وين يااا وعند ياتو شيخ يااا؟
.. انت مالك ومال المريخ خليك مع هلال المضروب الهلكان.. المريخ عندو صحفيين افذاذ يسدو عين الشمس وما محتاج لزول زيل عشان يتكلم عنه.. ولا ده مركب النقص العند الرشاشات كلهم… هههههه قلت لي تيري كيف
دا فهم متخلف وعنصرية ضاربة هسه شنو الجاب ود باد هل المريخ استثناء من العالم … اذا كان سوداكال بسبب مشكلة للهلال شداد لن يتركه يوم واحد وبعدين يا عنصري وبتاع الفتن كل الدنيا عارفه سوداكال انتهت فترة مجلسه لكن سداد الذي أكمل ١٠٠ سنة من العمر يصر ويلح بشدة على تعطيل المريخ وهو وكل الدنيا عارفة وما في داعي للخرمجة البكتب فيها دي…بالله كيف دخلت عالم الإعلام؟ …طبعا دي عقدة ستطاردك حتى القبر ولن ترتاح ما دمت بهذا الحقد الذي يملأ قلبك على الزعيم اب زرد الشايل نوم عينك.
يا ابو محمد ما تقول لي تيري ولا ما تيري انت نفسك مقتنع انو المريخ هزم الهلال ما اظن ذلك لانو هنالك الاعيب ما معروفه والدليل تعادلكم مع الوادي نيالا وكلام الصحفي صحيح لانو حاليا لا توجد مقارنة بين لاعبي الهلال والمريخ من اي ناحية وعايزك تسأل سوداكال المريخ هزم الهلال كيف لكن كل شي بظهر قريب وحا تشوف كلامي دا والحمدلله بدأت بفريق الوادي نيالا ولسه
شكلك يا عمار صدقت خطرفة الإعلام الأزرق بأن المريخ سحر لعيبة الهلال، مسكين ما منك، يا إبني لو المريخ بيسحر كان سحر أندية إفريقيا في دور المجموعات عشان ينافس في البطولة الإفريقية ، أوعك تصدق هذيان الصحفيين مشجعي الهلال، ديل مدوخاهم صواريخ سيف المريخ البتار ( تيري). وإن عدتم عدنا.
جراي الحصان ولا غريق البحر ……. دي الصحافة الضيعت كورة السودان
انت مالك ومال الريخابى يصر وشو يكرفسو على كيفه . عليك بالهلالابى الملطش بتكون حالته كيف ؟ بات فى البيت ولا المستشفى ولا اتكل على اولاد شرفى وارتاح ولامجلوط فى مستشفى عايزين نعرف منك الكلام ده ولا ياربى بكون حلق صلعه ولبس طاقيه
اولا عازين نعرف انت بتفهم ؟؟؟ ثانيا القيد الصحفى اخذتها من وين ؟؟؟ ثالثا عدم ذهاب سودكال اسأل الزنطورابى المخرف شداد متمسك فى سودكال لشء فى نفس يعقوب ليضمن صوت المريخ فى الانتخابات القادمة . رابعا الهلال فى محنة وصحافة الفول فى وادى أخر . خامسا مستوى الهلال هو نفس مستوى كتاباتكم ومن شابه اباه ما ظلم .. ارتقوا شوية لكى يرتقى الهلال .
انت إذا سوداكال قاعد الممتاز ده قدحه مابتشموا
وإنشاء الله في السنه بنضربكم مرتين وإذا تأهلت لي كاس السودان بتكون تلاته ياتيري
سوداكال يقعد بس في رئاسة المريخ رغم أنف الحاقدين والانتهازيين والفلول
وسوداكال رئيس طوالي
اسأل الله ما يقعد سوداكال لانو حتتغلب في الدوري كل سنة تيري والكاس السماني
شوفت كيف والله جد وتعال أناقشك موش ياهو التلات سنين ببلوا فيكم عهههههههه بصوت حبيبنا محمد مصطفى وتعال أناقشك وإذا هنا في زنطور او دلقون قوم علي حيلك
تبا لكم أينما حللتم
قول واااااي وااااااااي … والله برضو ما بحلك
راح ليكم الدرب يا ظناطير ما عارفين تكتبوا شنو ولا تقولوا شنو…. الله يجازي محنك يا تيري