الهلال وفقدان الأمل المرتجي !!

لهيب النار

هاشم الطيب

الهلال وفقدان الأمل المرتجي !!

——————-
&واتوجهت كل أنظار أهل السودان صوب ستاد الجوهرة الزرقاء وتوالت الدعوات في هذه الجمعة الجامعة والكلمة المسموعه راجية من خالق البرية نصر الهلال على الجنوب أفريقي …
& البرتقالي صاحب القلب الكبير (الماكن) أدخل الهلال مرعوبا وزرع في قلوب لاعبيه الخوف بتشكيلة خندقاويك ثمانية لاعبين مدافعين وحتي الثلاثة لا يخلون كثيرا عن النزاعات الدفاعية مما يؤكد أن ريكاردو لعبها تعادلية وهو يعلم أن التعادل لا يقود للمرحلة القادمة !! & نقطتان وهدف واحد لا يشفعان البرتقالي المواصلة مع سيد البلد واللحن المتكرر يا مدرب لملم عددك وسوق معاك ولدك ويلا لبلدك ييييلا.!!
& أصعب وامضي الخوف الذي تزرعه أمك في قلبك مثل العاتي جاك وبت أم بعلو بتاكلك والعسكري بيمسكك .. هذه أمثله ومثلها كثير خوفونا من الضلمه والسحاري ووو
& لكن التخويف الجديد هو الذي ينشر عبر الصحف الورقيه والهوائية ووسائل القنوات المرئية والمسموعه والجديدة الإسفيرية !!
& ولازال الرعب يعشعش في القلوب خوفنا أنفسنا بأقلامنا ووسائلنا الاعلامية من الأولاد ومن الشمس النزله والساقيه مدوره واليوم شنو……؟ & يا المريخ الليله أرجى الراجيك من فريق القرن الذي نال البطولة كم من المرات وقالوا في المثل …!
& لو صن داون زين الحسن بالناشف يالحسين بل راسك بالمويه والصابون !!
& نصبح ونمسي الليله اهلي الفرعون جاكم نرجف ونتغطي ونتكمد ننوم من عصرا بدري !!
& الوصيه لاعلامنا حكاية البعاتي هذه أصبحت حكايات حبوبات نحن في عصر لا يقبل مثل هذه الخزبلاعات عدلوا خطكم ليواكب ها الرمن. !!
& شماعة التحكيم والإرهاق وطول السفر وسوء الإستقبال وكورونا ناين تين كلها شماعة لا معنى لها علينا أن ننسى هذه التخوفات ونعيد السؤال لأنفسنا لماذا هؤلاء تقدمت خطاهم ونحن راجعين للخلف !؟ & نحن نعلم السبب لكننا نتكابر ونتنكر السبب والعلة فينا مرض اسمه مرض الكنكشه وكل زول سوداني مصاب بالكنكشه وخير مثال جدودنا زمان وصونا قالوا لينا لو مسكت ما تطلق ولو طلقت ماتندم !!
& بص “بضم الباء” شوف كم وكم زول ماسك في حلقوم كورتنا ستين سنه ولا زالوا مكنكشين وشباب اليوم درسوا وتخصصوا لكن درب الوصال للقيادة صعيب من ناس كنكشني !!
& بالمناسبة البافان والأولاد والصن ما عارف شنو لما نحن لعبنا كأس أفريقيا هم ليس أعضاء في الكاف بل طردوا وحرموا من الانتساب زمان يتفرجوا علينا واليوم نرجف من اسمهم !!
آخر نفس ::
————–
ربنا يسترك يا استاذه يافنانه يا انسانه عاشه ست الجبل لو قاصده الشو او الشهره من حقها وزيارتها لدار المسنين سجلت به ثلاثة نقاط لصالحها وعصام محمد نور تلاتين سنه عجز عن تسجيل نقطة واحده وفرق بين سنتين وتلاتين !!