البيباري (الشاعر) بوديه (الجمعية الادبية)

صابنها

محمد عبد الماجد

البيباري (الشاعر) بوديه (الجمعية الادبية)

• يبقى المريخ هو النادي الوحيد في العالم الذي يملك اعلاما قادرا على ان يظهر (النتائج) التى يخسرونها على انها نتائج (منتصرين) فيها.
• ما عندهم قضية بالمنطق.
• ولا عندهم قضية بالقانون.
• بس عندهم القدرة على تصوير كل قرار انه في صالحهم.
• اللوائح والمواد القانونية كلها ما بعترفوا بيها إلّا عندما تكون على هواهم.
• اعلام المريخ اعطوه أي (حقيقة) قادر على ان يقدمها للناس على انها (خبر) يأتي في صالحهم ويحقق اهدافهم التى يعملوا من اجلهم.
• لا بخجلوا.
• ولا بختشوا في ذلك.
• ولا بتلفتوا.
• ظل اعلام المريخ على مدى (4) سنوات يتحدث عن عدم اعترافه بالاتحاد العام لكرة القدم السوداني – ودائما هم يعتبرون (الفيفا) هي المرجع والفيصل النهائي – وان الاتحاد السوداني لا قيمة لقراراته وما يصدر منه في كل القضايا التى تصل الى الفيفا.
• هسع قرارات الاتحاد العام السوداني بقت ليهم (سمحة) ومقبولة – عندما ارسل الاتحاد الدولي لكرة القدم (الفيفا) خطابا اكد فيه عدم شرعية جمعية المريخ العمومية الاخيرة.
• اعلام المريخ ترك هذا الخطاب الصادر من (الفيفا) واحتفل بقرار الاتحاد السوداني (فرع مزمل ابوالقاسم) الذي اكد فيه اعترافه بالجمعية العمومية الاخيرة للمريخ.
• يعني نخلي خطاب (الفيفا) وشرعية سوداكال ورؤية الدكتور كمال شداد ونعترف بخطاب الاتحاد السوداني (فرع مزمل ابوالقاسم).
• انتوا ما قلتوا (الفيفا) هي الاساس.
• ما قلتوا (الفيفا) هي الاصل.
• هسع بقى ليكم الاتحاد السوداني هو المرجعية وهو الذي الذي يجب الاحتكام بقراراته.
• سوداكال عنده خطاب من (الفيفا) شن يسوى بخطاب حسن ابوجبل.
• جمعية المريع العمومية والتى لم تعتمدها (الفيفا) – ظهر فيها رابطة مشجعي المريخ في الاتحاد العام – ناس معتز الشاعر ومحمد حلفا..وبتاع الاولمبية (بقايا الفلول) في الاولمبية حسام هاشم.
• الزول دا وصل الاولمبية كيف؟ – هذه نتائج النظام البائد – وهذه هي كوارثه.
• حسام هاشم (الاولمبية) – قدم ليه (خطبة) في الجمعية العمومية للمريخ ، تحدث فيه عن الثورة وعن التغيير الذي حدث وهو احد اركان (الفلول) الذين ادخلهم النظام البائد في الوسط الرياضي.
• حسام (الفلول) قال شاهد على قيام الجمعية – وهو ما عارف أي حاجة – مجرد فرد في (كورس) مزمل ابوالقاسم.
• بعد هذه الخطاب (الادبي) – ظهر معتز (الشاعر) في المنصة – وهو احد خدام المريخ في الاتحاد.
• راجيين شنو من (الشاعر)؟
• البيباري (الشاعر) بوديه (الجمعية الادبية).
• عشان كدا جمعية المريخ العمومية كانت كلها (خطابات) و (شعارات) و (شعر) و (قصص).
• الشاعر ما عندو ليكم اكتر من (جاء اسماعيل يبدو) و (دجاجي يلقط الحب) – هذا اقصى ما عنده.
• مزمل ابوالقاسم قدم ليه (خطبة) عصماء – عن الجمعية التاريخية للمريخ – تقول بتكلم في ميدان الاعتصام.
• ما فاضل ليه إلّا يتكم عن شهداء ثورة ديسمبر المجيدة.
• اتكلموا عن (البمبان) في الجمعية الوهمية ونحن (30) ما بنشم شيء غير البمبان.
• ومحمد حلفا – شغال يوزع في البارد.
• الزول دا لسه ما بفرق بين المنتخب السوداني والمنتخب الجنوب افريقي.
• الزول دا جايبوا المريخ في الاتحاد.
• عضو اتحاد …وعضو في اللجنة القانونية دوره كله يتمثل في (توزيع) البارد.
• معتصم عبدالسلام – ما فاضل ليه إلّا يشيل ليه (طبلة) ويباري المريخ في كل مبارياته حتى لو كان بيلعب مع احد اندية الدرجة الثانية.
• شلة المريخ في الاتحاد.
• او هم فلول النظام البائد في الاتحاد العام كما يقول معتصم محمود وهم ما عندهم قدرات ولا امكانيات – وضررهم للمريخ اكبر من نفعهم لهم.
• الناس ديل بضيعوكم ساكت.
• المريخ بمثل هذه التصرفات سوف تدخلوه للمزيد من الصراعات والخلافات.
• ما بني على باطل فهو باطل – وما يحدث في الاتحاد العام الآن عبارة عن غش وخداع وصراع مع الدكتور كمال شداد من اجل كسب ود شخصيات نافذة في المريخ.
• ناس عصام الحاج ومزمل ابوالقاسم – سايقين المريخاب بالعاطفة.
• سائقنهم بالخلا.
• بصفوا حساباتهم الخاصة مع الدكتور كمال شداد باسم المريخ.
• المتضرر من الكلام دا المريخ.
• المريخ عايش في ازمات وصراعاب بسبب تلك الحروب الشخصية.
• المريخ ما مستفيد شيء.
• دا كله حرب اعلامية ساكت.
• كان تخلوا سوداكال يكمل فترته بعد ان تركتوه يفوز بالتزكية.
• اتنافسوا معاه بالباب العدل.
• بالقانون.
• بدلا من هذه الصراعات واللايفات الفارغة والتى تعمل فقط من اجل (اشخاص) وليس من اجل (المريخ).
• هسع المريخ مستفيد شنو من الكلام.
• ناس الشاعر ومعتصم عبدالسلام وحلفا…ضررهمن اكبر من نفعهم حتى للمريخ.
• الوضع في المريخ الآن اذا لم يتم فيه (توافق) لن ينتج غير المزيد من الصراعات والخلافات.
• ما يغشوكم.
• سوداكال عنده قوة مالية وعنده عضوية ومسيطر على الاوضاع – اذا تم ابعاده بهذه الصورة سوف يشكل عقبة كبيرة على المريخ.
• ما في سلطة ح تدخل عشان تبعد سوداكال.
• السلطة بعيدة.
• المضحك ان عضو مجلس المريخ احمد مختار (الكوز) المعروف طلع في قناة الملاعب امس يتحدث عن اهلية الحركة الرياضية.
• يا راجل.
• احمد مختار والذي كان له موقف معروف في فض الاعتصام …وقد هاجمه عضو معه في المجلس وقال عنه انه كان يعرف ان السلطة سوف تفض الاعتصام يتحدث عن (البمبان) في جمعية المريخ العمومية.
• انتوا الناس ديل ما بعرفوا (الخجل).
• ارحمونا شوية.
• احتسوا.
• خافوا الله.
• نهاية الكلام وعشان ما يسوقكم ساكت ..الجمعية العمومية بهذه الاطراف المتصارعة يمكن ان يكون فيها (دم) – ولن يصل فيها المريخاب الى نتيجة.
• اقعدوا في الواطة.
• حلوا مشاكلهم.
• شوفوا (مريخكم).
• الاطراف المتصارعة في المريخ الآن كلها يفترض ان تصل لحل وسط ..يرضى الجميع.
• سوداكال لا يستطيع ان يقصى الطرف الاخر من المريخ.
• والطرف الاخر لا يستطيع ان يقصى سوداكال.
• عشان كدا لازم يكون في اتفاق.
• شوفوا مصلحة المريخ.
• ناس الشاعر.
• وحلفا.
• ومعتصم عبدالسلام.
• ديل ببحثوا ليهم عن سند ومقاعد في الاتحاد القادم..
• عدلوا النظام الاساسي بصورة ترضى كل الاطراف.
• اذا لم يحدث ذلك ..يمكن ان يحدث (دم).
• وممكن يكون في (موت).
• وضرب.
• وفي النهاية الخسران الاول والاخير هو المريخ.
• الحقوا (مريخك).
• المكابرة والانتصارات الوهمية والدوافع والاهداف (الشخصية) لن تقودكم إلّا للمزيد من الصراعات..ولن يتضرر منها غير (المريخ).
• سوداكال فترته انتهت.
• جيبوا ليكم زول متفق عليه بعد سوداكال.
• شيلوه بالانتخابات.
• بصناديق الاقتراع.
• المشكلة في شنو؟
• خايفين من شنو؟
• سوداكال دا فاز بالتزكية في الانتخابات الماضية.
• التزكية دي جابها شداد.
• الفيفا مددت لسوداكال.
• الفيفا لم تعتمد جمعية المريخ العمومية.
• الفيفا ما الشاعر.
• ولا معتصم عبدالسلام.
• ولا محمد حلفا.
• كل الصراعات التى دخل فيها المريخ مع الاتحاد كان هو المتضرر.
• وين بكري المدينة الآن؟
• وين محمد الرشيد؟
• وين رمضان عجب؟
• عملتوها انتصارات في الورق – والمتضرر في النهاية كان المريخ.
• رتبوا لي حل.
• اقعدوا مع بعض.
• بدون سوداكال الموضوع دا ما بمشي.
• اجيزوا النظام الاساسي بما يخدم المريخ.
• افعلوا ذلك من غير ان تبحثوا عن انتصارات شخصية.
• الجمعية العمومية القادمة اذا اتت وانتم في هذا الوضع يمكن ان تحدث كارثة.
• والفيفا يمكن ان تعاقب المريخ.
• انتوا قالوا ليكم الفيفا ما عندها شغلة غير المريخ.
• اعلام المريخ ..كان بتحدث عن شكوى سيمبا.
• قالوا الشكوى محسومة.
• وقالوا الهلال اتلاعب في نتائج الكورونا عندما واجه الاشانتي.
• ما حدث منهم في هذا الشأن ..وما اخرجوه من اتهامات باطلة ..حدث لهم في تنزانيا.
• وقالوا القضية محسومة.
• وقالوا الفيفا سوف تبعد سيمبا.
• صدقوا الكلام.
• وفي النهاية المريخ عنده (نقطة) واحدة.
• والمريخ سوف يواجه الاهلي المصري يوم السبت وليس سوداكال.
• شوفوا مريخكم.
• وامسكوا سيف تيري قوي.
• …………..
متاريس
• تاني ما بنكرر ليكم الكلام.
• لكن اذا مشيتوا على هذا المنوال ..ح نذكركم بعدين بالنهاية.
• …….
• ترس اخير : بفرحوا على خسارتهم.