لو السوباط جاتو (ملاريا) الاعراض بتظهر في سوداكال

صابنها

محمد عبد الماجد
لو السوباط جاتو (ملاريا) الاعراض بتظهر في سوداكال
• الناس ديل كرهونا.
• ما عندهمشخصية.

• القال عليكم (ضل) للهلال ما كضب.
• ماشيين على اثرنا.ةض
• عملنا (قوون).
• عملوا (الصدى).
• اتأهلنا لمرحلة المجموعات.
• اتأهلوا معانا.
• بقينا نلعب المباريات الافريقية في استاد الهلال – بقوا يلعبوا في استادنا.
• ديل في الدوري المحلي لحقونا.
• بيلعبوا معانا في استادنا.
• الغريبة في الدوري الممتاز (نتعادل) في مباراة – هم يتعادلوا في اليوم التاني.
• في التعادلات ما عندهم (شخصية).
• اها نوع ديل نعمل ليهم شنو؟
• ساكننا سك شديد.
• جبنا لينا (رئيس فخري) من السعودية – ناس المريخ مشوا غطسوا وحضروا تاني يوم وجابوا ليهم (رئيس فخري) من السعودية.
• لكن عشان الموضوع صعب عليهم جابوا الرئيس الفخري سعودي بالتابعية.
• في دي (ضل).
• أي حاجة عندهم بنص القيمة.
• عندهم نقص في الحتة دي.
• رفعنا عدد المحترفين في الكشف.
• لقوها جاهزة.
• رفعوا العدد.
• وما عندهم قروش للكلام دا.
• فشخرة ساكت.
• قلنا (نشنقهم) – مشينا جنبا لينا محترف من (جامايكا).
• مع الكورونا.
• واغلاق المطارات.
• في 24 ساعة جابوا ليهم محترف من (جامايكا).
• وكمان جابوه (مضفر) شعرو.
• يعني ما اكتفوا بان يكون من جامايكا.
• انا اول مرة اشوف لي محترف من جامايكا – وجبته المفضلة (البامية المفروكة).
• تقول مولود في سوق 4 بري!!.
• عندنا محترف طلع مصاب – عندو كبد وبائي…
• اراهن ليكم بعد اسبوع الكلام دا بيظهر عند احد محترفي المريخ.
• تعالوا شوفوا (الفيلم).
• خلينا السودان.
• ومرقنا برة البلد.
• شلنا زوران.
• شالوا النابي.
• النابي ما كمّل في المريخ 3 اسابيع.
• نحن شلنا زوران بعد التعادل مع مازيمبي في الخرطوم.
• هم اتعادلوا مع سيمبا – بس عشان يشيلوا النابي.
• اتغلبوا من فيتا كلوب اربعة ما شالوا المدرب.
• شالوه بعد التعادل مع سيمبا.
• عشان شنو ؟
• عشان الهلال شال المدرب بعد التعادل مع مازيمبي.
• في دي لاحقننا.
• النابي قال ليهم قبل الاطاحة به ظروف الهلال تختلف من ظروف المريخ.
• وقال ليهم ما معني ان الهلال جاب ليه مدرب من الدوري الانجليزي ، تقوموا انتوا تفكروا في نفش الشيء.
• انتوا قايلين ما فكروا في نفس الحاجة.
• في الاخبار (علم “باج نيوز”، أنّ نادي المريخ السوداني أكمل اتّفاقه رسميًا مع المدرب الإنجليزي، لي كلر، للإشراف على الفريق في المرحلة المقبلة. وقالت المصادر لـ”باج نيوز”، إنّ المدرب الإنجليزي سيصل العاصمة السودانية الخرطوم، الأحد، برفقة ثلاثة مساعدين. وأشارت إلى أنّ المدرب سيعاونه مساعد، مدرب أحمّال، ومدرب حرّاس. ولي كلر، سبق وأنّ لعب في نادي نيوكاسل الإنجليزي، وأشرف على تدريب عددٍ من الأندية الإنجليزية.والسبت، أصدر نادي المريخ قرارًا بإعفاء التونسي نصر الدين النابي من منصبه على نحوٍ مفاجئ).
• اها نوع ديل يعملوا ليهم شنو؟
• جبنا من الدوري الانجليزي مدرب برتغالي ريكاردو كان رفيق درب للمدرب مورينيو..مشوا جابوا ليهم مدرب من الدوري الانجليزي.
• نكتوه من وين ما عارف؟
• قالوا كان بيلعب في نيوكاسل.
• واسمه كمان لي كلر.
• غايتو يا سوداكال صعبتها شديد على ناس مزمل ابوالقاسم.
• الناس ديل كان سقفهم ما بتجاوز برهان.
• طموحاتهم ما بتفوت مازدا.
• هسع جابت ليها مدرب من الدوري الانجليزي.
• وكان بيلعب كمان في نيوكاسل.
• الجماعة ديل سمعوا الهلال تعاقد مع مدرب مع طاقم فني كامل.
• جماعتكم عملوا نفس الشيء.
• جابوا المدرب بطاقمه.
• وهم ما عندهم رقبة لهذا الشعر.
• بي طريقتكم.
• الكلام دا ما بتقدروا عليه.
• الموضوع دا فيه دفع.
• ودولار.
• الكلام دا رئيس فخري بالتابعية ما بقدر عليه.
• غايتو سوداكال ورّط الجماعة.
• سوداكال باقي ليه اسبوعين في المريخ.
• قام جاب ليهم مدرب كان بيلعب في نيوكاسل.
• جابو ليهم بطاقمه الفني.
• عليك الله يا سوداكال تم جميلك.
• عليك الله يا سوداكال اتعاقد مع هذا المدرب لمدة موسمين.
• عشان نشوف ناس المريخ ديل بدفعوا القروش من وين؟
• التازي دا ما بنستر ليكم.
• والبلد دي ما فيها حكومة بتدفع ليكم.
• ولا في جهاز امن.
• ولا عبدالرحيم محمد حسين.
• يعني ما تتمقلبوا ساكت.
• ح تقعدوا تقلدوا في الهلال كدا لمن تنزلوا التانية.
• موضوع رمضان عجب وبخيت خميس والرشيد وصل وين؟
• اصبروا ماشي عليكم.
• الهوا ح يجيكم.
• الهوا اصلو ما فايتكم.
• الناس ديل قنعوا من البطولة الافريقية.
• عندهم نقطة.
• قالوا اصلو الموضوع ما نافع.
• احسن نشركهم وقت اصلها بايظة.
• وفي النهاية الموضوع ما بزيد ليه من (نقطة).
• لو شالوا النقطة يعني شنو؟
• والله ناس المريخ ديل بقوا شغالين بدون قانون.
• البعمل فيه سوداكال في الاسواق والناس بقوا يعملوا في المريخ.
• اشركوا ليهم 4 محترفين في مباراة في الدوري الممتاز.
• واشركوا العجب وبخيت خميس.
• هملة.
• بلد ما فيها قانون.
• شغالين ساي.
• نتائج مباريات المجموعات امس كلها كانت في صالح الهلال.
• الهلال كدا (تعادلات) ساكت ممكن يتأهل.
• بس ما نخسر.
• احسبوها صاح.
• لو اتعادل الهلال مع شباب بلوزداد 0 / 0 …ح تكون المواجهات المباشرة في صالحنا.
• ولو اتعادلنا مع مازيمبي في الكنغو ….ح نبعد مازيمبي والذي لن يكون عنده امل عندما يواجه الهلال في اخر جولة في المجموعات.
• صن دوانز امس فاز في الكنغو على مازيمبي 2 / 1.
• والمباراة القادمة سوف تجمع صن دوانز ومازيمبي في جنوب افريقيا.
• اذا خسر مازيمبي في جنوب افريقيا مثلما خسر في الكنغو سوف تكون فرصه في التأهل تلاشت.
• خاصة ان مازيمبي بعد مباراة صن دوانز في جنوب افريقيا سوف يلعب في الجزائر مع بلوزداد.
• الهلال عنده مبارايتين في ارضه امام بلوزداد وامام صن دوانز.
• تعادل وانتصار …. الهلال سوف يتأهل ان شاءالله.
• اما اذا انتصر الهلال في المباريتين فلن نكون في حاجة لنتيجة مباراة مازيمبي في الكنغو.
• اذا انتصر الهلال في المباراة القادمة سوف يكون الهلال اتأهل من مرحلة المجموعات بنسبة 90 %.
• بلوزداد تبقت له مباراة وحيدة في ارضه امام مازيمبي…وهو سوف يواجه الهلال وصن دوانز خارج ملعبه.
• من الصعب ان يحقق بلو زداد انتصار على الهلال في ام درمان او على صن دوانز في جنوب افريقيا.
• مازيمبي سوف يلعب خارج ارضه امام صن دوانز وامام بلوزداد.
• وبرضو صعب يحقق انتصار في هذه المباريات.
• الهلال سوف يلعب امام بلوزداد وامام صن دوانز في ام درمان.
• فوز وتعادل يعني تأهل الهلال.
• دون النظر للجولة الاخيرة.
• المهم ان ينتصر الهلال في المباراة القادمة امام بلوزداد في ام درمان.
• وان ينتصر على صن دوانز في المباراة قبل الاخيرة في المجموعات في ادرمان.
• سوف يلعب الهلال تواليا امام بلوزداد وصن دوانز في ام درمان.
• هذه الجدولة تأتي في صالح الهلال.
• وضع الهلال الآن اكثر من ممتاز.
• يجب ان نعرف ذلك وان نلعب من اجل هذه الحسابات.
• مباراة الهلال الاخيرة سوف تكون امام مازيمبي في الكنغو.
• الهلال عندما يواجه مازيمبي سوف يكون مازيمبي فقد فرص التأهل من مرحلة المجموعات.
• يعني كل الظروف – كل الاشياء تلعب لصالح الهلال.
• ما تضيعوا هذه الفرص.
• ورتبوا من الآن من اجل التأهل.
• يا ريت السلطات تسمح للهلال في الجولات القادمة بدخول عدد من الجماهير.
• وجود جمهور سوف يسهل من مهمة الهلال.
• ………..
متاريس
• ناس المريخ لو استمروا بهذه الطريقة – لو السوباط اصيب بالملاريا – الاعراض سوف تظهر في سوداكال.
• الناس ديل ساكننا سك شديد.
• بقلدوا فينا تقليد عجيب.
• والله نحن يوم نمقلبكم.
• ونقلب الاستاد زريبة فحم.
• نشوفكم بتعملوا شنو؟
• ………..
• ترس اخير: نمشي نشوف كورة الاهلي وفيتا – الحاصل فيها شنو؟