واحد كذاب وواحد ألعوبة !!
قلم في الساحة
مأمون أبوشيبة
واحد كذاب وواحد ألعوبة !!
* ظل طاغية الأتحاد يصدعنا منذ سنوات طويلة بأنه يجتهد ويسعى لتحقيق مصلحة المنتخبات الوطنية..
* وظل يظهر حرصه على اللاعب الوطني بمحاربته وتقليله لغزو اللاعب الأجنبي للملاعب السودانية.
* ثم أعلن الحرب على ظاهرة تجنيس الأجانب وتحايل أندية القمة لتكديس اللاعبين الأجانب..
* دخل الطاغية في معركة عنيفة مع رئيس الهلال الأسبق الأرباب صلاح إدريس حول اللاعبين المجنسين.. انتصر فيها الأرباب..
* وفي السنوات الأخيرة تم قفل الباب أمام تجنيس الأجانب لأجل اللاعب الوطني والمنتخبات الوطنية..
* لكن الطاغية سكت أمام ضم الهلال للاعبين مجنسين كان قد طلب نادي المريخ تجنيسهم مثل سالمون جابسون وجمال سالم ماقولا..
* تجنيس اللاعب الأجنبي أصلاً يتم بطلب من النادي لرئاسة الجمهورية في النظام البائد لمساعدة النادي في المشاركة الأفريقية.. والجنسية التي تمنحها الرئاسة تعتبر جنسية مهام مؤقتة لتحقيق مصلحة عامة..
* والمفترض بمجرد انتهاء فترة اللاعب المجنس مع النادي تسحب الجنسية تلقائياً ولا تجدد إلا بطلب جديد حال قرر النادي إعادة قيد اللاعب المجنس.. وإذا انتهت فترة المجنس مع ناديه لا يجوز للاعب المجنس الانتقال لنادي آخر داخل الوطن إلا بصفة لاعب أجنبي.. أو بطلب تجنيس جديد..
* للأسف الشديد لم تتبع رئاسة الجمهورية الفاسدة الخطوات الصحيحة حال انتهاء جنسية المهام المؤقتة للاعب الأجنبي والتي تتم بطلب من نادي بعينه..
* وعلشان خاطر الهلال سكت الاتحاد على انتقال بعض الأجانب المجنسين لنادي الهلال بجنسيات كانت قد طلبتها أندية أخرى.. وهذا نوع من الفساد والتسويف والانحياز المعتاد لنادي الهلال..
* ما كان لجمال سالم الانتقال للهلال بجنسية استخرجت بطلب من نادي المريخ ولكنه الفساد والانحياز المزمن للهلال..
* ومؤخراً صدعنا الطاغية بقرار إلزام كل نادٍ بإشراك لاعبين طوال زمن المباراة تحت 20 سنة وتحت 23 سنة في مباريات الدوري الممتاز وأن الهدف من هذا الإجراء لصالح منتخبي الشباب والأولمبي..
* لاحظوا عندما اصيب لاعب الهلال وضاح (تحت 23 سنة) تم استبداله باللاعب الأجنبي واتارا (تحت 23 سنة) فهل سيلعب واتارا لمنتخبنا الأولمبي أم أن لائحة إلزام اشراك اللاعب السني يمكن أن يحدث فيها أي تجاوز واستهبال وضحك علي الدقون عندما يتعلق الأمر بالهلال؟!
* والآن جاء الهلال وبكل قوة عين ليطلب رفع عدد الأجانب إلى خمسة لاعبين تلبية لرغبة كفيل الهلال الجديد السعودي تركي آل الشيخ.. وكنا نتوقع رفض طاغية الاتحاد هذا الطلب من واقع محاربته الشديدة للاعبين الأجانب منذ معركته مع الأرباب صلاح إدريس بحجة حرصه على مصلحة المنتخبات الوطنية..
* ولكن لأن الطلب جاء من تركي والسوباط لن نستغرب انبطاحة الطاغية ولحسه لكل مواقفه في محاربة الأجانب على مدى السنين.. ليتأكد إن هذا الطاغية كذاب وابن مليون كذاب.. وإنه يعمل فقط من أجل الأجندة والمصالح الشخصية.. وليس له أدنى حرص للمصلحة العامة ومصلحة المنتخبات الوطنية!!
* الموافقة على تلبية كل طلبات ورغبات الهلال لدرجة زيادة كشف لاعبيه.. والسماح للاعبي الفترة الاستثنائية بالمشاركة في الدوري الممتاز فيه ظلم يهد الجبال على بقية أندية الممتاز التي وضح أنها تشارك تمامة جرتق في دوري الهلال الممتاز.. قوموا روحوا جاتكم نيلة..
* ويقال إن الطاغية عندما جلس مع أسياده في الهلال ووافق على كل طلباتهم خاف من هجوم إعلامي من قبل الأقلام الحمراء خاصة بعد انبطاحته المقززة بشأن الأجانب فاتصل بتابعه وخادمه المطيع في المريخ لينقل له قرار الزيادة فقابله تابعه وذيله بموافقة فورية..
* تابع الطاغية لا يتمتع بأي ذرة من الذكاء فلو كان ذكياً لبادر هو بالاتصال بالطاغية ليقول له قل لناس الهلال أنك ستوافق على زيادة الأجانب بشرط أن يتنازل الهلال من قضية ثلاثي المريخ رمضان والرشيد وبخيت لمصلحة المنتخب الوطني.. فلو فعل ذلك لوافق الهلال واستعاد المريخ الثلاثي الدولي المجمد دون عناء وفلت من مكايد ومؤامرات لجان مشجعي الهلال بالاتحاد..
* تابع الطاغية وخادمه المطيع لا يعرف شغل الكورة ولا كيفية كسب القضايا والشيء الوحيد الذي يجيده هو مراوغة وجرجرة اللاعبين والمدربين الأجانب (المواسير) في منحهم مستحقاتهم وجر النادي للوقوع في شباك عقوبات الفيفا..
* يقال إن الطاغية وافق لتابعه المطيع بضم لاعبين أجانب للمريخ وهو يعلم إن المريخ حتى اللحظة معاقب من الفيفا بالحرمان من التسجيلات.. كما يعلم إن الفترة الاستثنائية تمتد لأسبوع واحد فقط والمريخ ما عنده فلوس وغير جاهز لاستقدام لاعبين أجانب.. بينما كان الهلال يجهز مبكرا وفي سرية لضم المحترفين أصحاب الأسعار العالية عبر ال الشيخ..
* كما يعلم الطاغية إن تابعه المطيع لا يجلب إلا المواسير وبالفعل تردد الآن إن هناك محترف غامبي مصاب بالرباط الصليبي وعاطل في طريقه للمريخ.. وإذا سجل قطعاً سيشطب فوراً على طريقة الماسورة المصرية.. وبعدها يتحول لكابوس جديد في الفيفا!
* المراوغ المخادع أصبح ألعوبة في يد الطاغية ومخلب لتدمير المريخ..
* حسبنا الله ونعم الوكيل.. ولا حول ولا قوة إلا بالله.
*زمن إضافي*
* مؤسف والله أن يفشل المريخ في الفوز على أحد أضعف فرق الممتاز..
* ومؤسف والله أن يتكرر نفس سيناريو المباراة السابقة.. ولكن ما كل مرة تسلم الجرة..
* المريخ يعاني منذ أن فقد التش وحمزة ومنذ أن حرموه من رمضان والرشيد وبخيت وسيعاني كثيراً هذا الموسم طالما أن طاغية الاتحاد يتلاعب بالمريخ مستخدماً تابعه المطيع المهووس بالسلطة..
* المريخ يهاجم أمس بدون تنظيم وبطريقة الدافوري.. اللاعبون عاجزون عن التمرير الصحيح وعاجزون عن عكس الكرات وعاجزون عن استخدام الرأس وعاجزون عن تنفيذ الركلات الحرة وفي المباريات السابقة عجزوا حتى عن تنفيذ ركلات الجزاء.. والمدرب يتفرج ومافي أي جديد..
* وحكم المباراة المتواضع يمنح الخصم هدفاً بعد أن وصلت كدارة المهاجم على بعد بوصة واحدة من وجه منجد!! وتجاهل الكثير من اللعب على أجسام لاعبي المريخ!! وبدأ احتساب الزمن الضائغ للشوط الأول في الدقيقة 42 باحتساب ثلاث دقائق كزمن بدل ضائع لينتهي الشوط الأول في 45 دقيقة!! وحتى في الدقائق الأخيرة للمباراة ولحظة تسديد مهاجم المريخ قرب حدود منطقة الجزاء يدخل عليه المدافع ويشوت قدمه يحتسبها الحكم الداقس مخالفة ضد المريخ!! ولكننا لن نلوم هذا الحكم التعبان لأن المريخ أصلاً كان راقد سلطة بعد أن شبع فيه طاغية الاتحاد وتابعه المطيع دماراً وخراباً والقادم أسوأ..
ههههه والله يا عمك أبو دليبة أبدعت وموتنا من الضحك 😝😝😝
طيب الحنفولي التازي ما قاعد عندكم وجاب ليكم المرة الفاتت طيارة خاصة، ما تخلوهوا يشوف ليكم موضوع المحترفين ده، ولا الشغلانة بس هاردة فشفاشك مع تركي آل الشيخ وشفت المحترفين الحقيقيين والإضاءة بتاعة الجوهرة والزي الجديد والفار لعب في عبك وقمت تسكلب وتجقلب، ونار الحسد والحقد الجواك عاوزة تاكلك أكل !!
تابع وخادم الطاغية دي جديدة وقوية وقلبت فيها الهوبة والله 😆😆😆
غايتو الله يخليك لينا وما يحرمنا من جقلبتك وسكليبتك يا عمو أبو دليبة 😄😄😄
عليكم ده مستوى وبمتب في الصحف منذ السبعينات لغة شوارع مبالغ فيه… حقيقة شخص
ابع الطاغية لا يتمتع بأي ذرة من الذكاء فلو كان ذكياً لبادر هو بالاتصال بالطاغية ليقول له قل لناس الهلال أنك ستوافق على زيادة الأجانب بشرط أن يتنازل الهلال من قضية ثلاثي المريخ رمضان والرشيد وبخيت لمصلحة المنتخب الوطني.. فلو فعل ذلك لوافق الهلال واستعاد المريخ الثلاثي الدولي المجمد دون عناء وفلت من مكايد ومؤامرات لجان مشجعي الهلال بالاتحاد..
ابتزاز يعني وكده اها
مقال فارغ لايدل على شي إنما صاحبه صحفي لايفهم في الصحافة شي حرام تتكلم عن بروف بهذا الأسلوب معليش اسحب نفسك من الصحافة الرياضية
يا عمنا انت سينارست ناجج جدا يا عمو.شوف المجال ده احسن قلت.لي سوداكال يقول لشداد النفط مقابل الغذاء ولا قلت شنو ? الاجانب مقابل الثلاثي يا زول انت جاد ?
منو القال ليك الجنسيه لاتسقط اذا انتقل اللاعب الجنس من فريق إلى آخر فى نفس البلد.يا
بعدين ذياده كشف الأجانب ده لا من شداد من تركى أل الشيخ ولا من السوباط ولا انت بس حارقك
عشان المريخ مفلس ومحروم من التسجيلات. لعلمك انت السنه الجايه برضو ما بتقدر تسجلو اى لاعب
لأنكم محرومين برضوا منها يعنى الحرمان على فترتين اتنييين والسبب انت عارفو مكاتب الفيفا كلها شكاوى ضد المريخ شى من مدربين و شى من لاعبين اجانب كلهم رافعين شكاوى عايزين الدولارات وسمعنا مدربكم قوميز برضو اتجه للفيفا معناها المره دى الفيفا بتنزلكم درجه تانيه عديييل وبرضو دى مشكلتكم انتو لا مشكله شداد ولا مشكله السوباط ولا مشكله تركي آل الشيخ عشان ما تخدعوا جماهيركم ساى. طبعا” تركي آل الشيخ ده حاركم حريق. المحترفين من عيار ( اربعه وعشرين ) جايين جايين ان شاء الله ويا ابو دليبه تبكى اصلو ماعندك حل غير تبكى بس انت والكاهن بتاعك وكل كهنه معبد آمون المعاك..
أبو شيبة حيرتنا كلآم خارم بارم لآيصدر ألآ منليس صحفي
روح يا رجل منك لله
منو القال ليك الجنسيه تسقط اذا انتقل اللاعب الجنس من فريق إلى آخر فى نفس البلد.يا
بعدين ذياده كشف الأجانب ده لا من شداد من تركى أل الشيخ ولا من السوباط ولا انت بس حارقك
عشان المريخ مفلس ومحروم من التسجيلات. لعلمك انت السنه الجايه برضو ما بتقدر تسجلو اى لاعب
لأنكم محرومين برضوا منها يعنى الحرمان على فترتين اتنييين والسبب انت عارفو مكاتب الفيفا كلها شكاوى ضد المريخ شى من مدربين و شى من لاعبين اجانب كلهم رافعين شكاوى عايزين الدولارات وسمعنا مدربكم قوميز برضو اتجه للفيفا معناها المره دى الفيفا بتنزلكم درجه تانيه عديييل وبرضو دى مشكلتكم انتو لا مشكله شداد ولا مشكله السوباط ولا مشكله تركي آل الشيخ عشان ما تخدعوا جماهيركم ساى. طبعا” تركي آل الشيخ ده حاركم حريق. المحترفين من عيار ( اربعه وعشرين ) جايين جايين ان شاء الله ويا ابو دليبه تبكى اصلو ماعندك حل غير تبكى بس انت والكاهن بتاعك وكل كهنه معبد آمون المعاك..
الطاغية الذي تتحدث عنه هو ولي نعمتك أبو القنابل وليس شداد
عيد مقدم هو لاعب الهلال تحت 23 سنه …. وحتى لو فرضا كان واتارا فغباء قرار الاتحاد بعدم تحديد جنسية اللاعب تحت السن غلطة الاتحاد وليس الهلال وبامكانك تسجيل لاعب أجنبي 23 سنه فلماذا التباكي ايها الكهل المخرف
وصلت كدارة المهاجم على بعد بوصة واحدة من وجه منجد!! يعني الحارس طالع بره خط السته منطقته والكورة ليست بحوزته والمهاجم لسه ما هبشه عايز الحكم يحسب ليه فاول بالنيه يعني
ههههههههههه
منو القال ليك الجنسيه تسقط اذا انتقل اللاعب المجنس من فريق إلى آخر فى نفس البلد.يا
بعدين ذياده كشف الأجانب ده لا من شداد من تركى أل الشيخ ولا من السوباط ولا انت بس حارقك
عشان المريخ مفلس ومحروم من التسجيلات. لعلمك انت السنه الجايه برضو ما بتقدر تسجلو اى لاعب
لأنكم محرومين برضوا منها يعنى الحرمان على فترتين اتنييين والسبب انت عارفو مكاتب الفيفا كلها شكاوى ضد المريخ شى من مدربين و شى من لاعبين اجانب كلهم رافعين شكاوى عايزين الدولارات وسمعنا مدربكم قوميز برضو اتجه للفيفا معناها المره دى الفيفا بتنزلكم درجه تانيه عديييل وبرضو دى مشكلتكم انتو لا مشكله شداد ولا مشكله السوباط ولا مشكله تركي آل الشيخ عشان ما تخدعوا جماهيركم ساى. طبعا” تركي آل الشيخ ده حاركم حريق. المحترفين من عيار ( اربعه وعشرين ) جايين جايين ان شاء الله ويا ابو دليبه تبكى اصلو ماعندك حل غير تبكى بس انت والكاهن بتاعك وكل كهنه معبد آمون المعاك..
والله عيب كذاب ابن كذاب والله ده كلام ما مفروض يتنشر اوكي اتكلم عن شداد لانه يعمل في عمل عام بس مافي داعي الكذاب ابن كذاب عيب والله عليك مافي داعي لسب الاباء
الصحفي ابوشيلة لمن عايرك الصحفي معتصم محمود بأنك اطرش اقمت الدنيا ولم تقعدها ولكن عادي تسيء لشداد ووالد شداد عادي مش كدة
قال ايه الجنسية للنادى الذى طلبها ومن يسجل فى الخانات السنية الوطنين طيب كيف سجلت نيلسون الهلال ومامادو حى الوادى وكيف سجلت وارغو ابو ٣ مليون تحت السن ثم كيف جاز لك ان تسئ لوالد شداد وترفض ذلك عندما توصف بالاطرش اتقى الله ياهذا واعلم بان الكرة ليست الغاية التى خلق من اجلها الانسان ولسوف تسأل عن ذلك يوم لاينفع مال ولابنون الا من اتى الله بقلب سليم .
ابراهيما نداي جااااااك يا ابو دليبة ، وحاتك تاني تهضرب هضربه ههههههههه
على بعد بوصة واحدة من وجه منجد!! ههههههههههههههههههاااااااااي تهي تهي تهي تهي
مامون ابو شكيه..
هههههههههااااي
و الله انت بالغت و بقيت ادق من تقنية الفااااااار (بوصة قيستها كيف؟). في النهاية كان لسة بوصة تانية عشان يكون فاول، فالزعل في شنو؟،
بعدين راجع الفاظك عن شداد ووالده، فاذا كان شداد تنازل عن حقه بفقه الجمل ماشي، فكيف تحل لنفسك طعن و سب الاموات ثم تستعيذ بالله.
كلامك ده جاهل من جماهير المريخ مشجع عادي وبسيط ما بكتبو كلو تناغضات وكزب بالعكس بالكلام ده أنت بتثبت انو المريخ متورط في قضية الثلاثي والهلال على حق ثاني تواطأ الاتحاد وين مع الهلال في ذيادة الكشف ده استثناء من الاتحاد الدولي لي كل اتحاد دول العالم علشان الكرونا يعني ما للهلال براه عايز الاتحاد يعمل ليك شنو يعني يحرم الهلال من حق مشروع علشان ما يزعلو المريخاب غايتو أنا ما عارف أنت صحفي كيف وعندك رخصة مذاولة الصحافة أنت او بتحاول تغير الحقيقة لمصلحة فريقك المهم أنت لو في بلد تاني غير السودان كان اتحاكمت ومنعت من الصحافة بي عمودك ده