ديل (٢٢) ولا أنا غلطان؟؟
بالعربي الكسيح
محمد الطيب الأمين
ديل (٢٢) ولا أنا غلطان؟؟
* يُمارس الإنسان العنصرية في أعلى درجاتها فيما يتعلق ب(الملابس) .
* عندنا تصنيفات وموازنات خاصة للملابس وألوان الملابس .
* في ملابس ما بنلبسها بالنهار .
* وملابس بنلبسها مرة في السنة .
* عندنا قميص للمرقة.
* وقميص للشغل .
* في مشوار بنمشيهو بالتشيرت ، ومشوار بنمشيهو (شاكين) ، ومشوار بالجلابية .
* في ملابس بنغسلها ونكويها نحن ، وفي ملابس بنوديها المكوجي ، وملابس بندلعها وبتمشي الغسيل الجاف .
* كلها ملابس ولكن نحن (بنعزل) اللبسة حسب المشوار .
* وبما أن ذلك كذلك فإن الهلال هذا العام سيعزل التشكيلة حسب المباراة.
* لو دايرين نفوز بهدف وشباك نظيفة .. عندنا تشكيلة لهذه المهمة .
* دايرين نغلب كتير .. عندنا تشكيلة لهذا الغرض .
* دايرين نغلب ونستعرض .. عندنا تشكيلة الفنون الجميلة .
* تشكيلة الفنون الجميلة في الغالب بتتكون من (أبو عشرين ، ارنق، مؤيد ، فارس ، بوغبا ، جيسي ، روفا ، مجاهد ، موفق ، بشة الصغير والغربال) .
* دي تشكيلة الطرب .
* مشاء الله تبارك الله (تلاتة تشكيلات) وكل تشكيلة عندها أهداف معينة.
* ده بالنسبة للهلال .
* اجيك للموضوع الأهم.
* قبل الموضوع الأهم .. في عمود الأمس الذي تحدثت فيه عن الجيش وانتصارات الجيش ذكرت مدينة (كاودا) بجانب مدن حلايب وشلاتين والفشقة .
* والصحيح أن كاودا ليس بها مشاكل في الوقت الراهن .
* كاودا التي كان عمر البشير يحلم بالصلاة فيها هي الآن خالية من المشاكل وتتمتع بما تتمتع به شندي وسنار والأبيض وعطبرة.
* كاودا عروس الغرب وبها خيرة أبناء هذا الشعب الكريم .
* لهم التحية ومؤكد أن ما ورد في عمود الأمس لم نقصد به شئ خلاف حبنا لهذه المدينة المناضلة .
* المهم .. نرجع لموضوع التشكيلة .
* مصلحة السودان تتطلب إختيار الهلال ليلعب بإسم المنتخب الوطني في مباراة جنوب أفريقيا.
* وتعال أناقشك.
* آخر مباراة للمنتخب مع غانا كان فيها من جانب الهلال كل من : (أبو عشرين ، وضاح ، فارس ، السموأل ، الشغيل ، أبو عاقلة ، بشة الصغير والغربال) .
* ديل كم ؟
* تمانية صاح ؟
* طيب عندك بوي وياسر مزمل تم ابعادهما عن مباراة غانا بسبب الإصابة وهسه بقوا كويسين ، يعني ح يرجعو .
* كده بقوا كم ؟
* عشرة صاح ؟
* عندك محمد موسي الضي ووليد الشعلة تم ابعادهما عن مباراة غانا ، الأول بسبب زيادة الوزن والثاني بسبب تراجع المستوى .
* الضي وزنو رجع عادي والشعلة مستواه ارتفع.
* يعني ح يرجعو للمنتخب .
* كده بقوا كم ؟
* اطناشر صاح ؟
* بوغبا وصلاح عادل وعيد مقدم كانوا ضمن قائمة المنتخب قبل مباراة تشاد الودية ولظروف الإصابة والتأثر بتوقف الدوري بسبب كورونا تم ابعادهم مؤقتاً وهسه أمورهم ظبطت .
* كده بقوا كم ؟
* خمسطاشر صاح ؟
* محمد أحمد ارنق وبعد المستوى الذي ظهر به أمام الاشانتي سيتم اختياره دون شك .
* كده بقوا سطاشر صاح ؟
* هل مجاهد فاروق ح يكون بره المنتخب؟ طبعاً لا .
* بقوا سبعطاشر صاح ؟
* نزار حامد قبل الإصابة بالرباط الصليبي كان مع المنتخب وهسه رجع معافى وح يرجع المنتخب.
* كده كم ؟
* طمنطاشر صاح ؟
* بكل الحسابات وبعيداً عن التعصب ياها دي قائمة المنتخب .
* ما في أفضل من الأسماء دي في السودان .
* بدون مجاملة ياهم ديل ناس المنتخب .
* وكل الذكرتهم ديل موجودين في قائمة المنتخب ما عدا محمد أحمد ارنق .
* يبقى كل المطلوب أن يكون مدرب منتخبنا شجاع ويسمي فريق الهلال ممثلاً للسودان (منتخب وطني) .
* وإذا كان لابد من إكمال العدد الي (٢٢) لاعب يمكن إضافة (روفا والطيب عبد الرازق ومؤيد عابدين وموفق) .
* هلال المنتخب أو منتخب الهلال .
* طيب بلاش من الرباعي الأخير ده .
* طمنطاشر من الهلال ويضاف لهم شيبوب من الجزائر ، أكرم الهادي من الأمل عطبرة ، سيف تيري من المريخ واطهر الطاهر من سموحة .
* جيب سيف تيري من المريخ وبس .
* لو فعل مدرب منتخبنا ذلك أنا بضمن ليك بلوغ النهائيات .
* وأي قائمة تخلو من الطمنطاشر المذكورين يكون الموضوع موازنات.
* وزمن الموازنات انتهي .
* عظمة يا هلال .
* عزة جد .
* وعلى فكرة .. ممكن نديكم تشكلية للمنتخب ونحن نواصل مبارياتنا بتشكيلة تانية دون أن يؤثر ذلك علينا .
* سمحة المقدرة والله .
* ملحوظة : (اعتباراً من أول السنة سأقوم بتغيير إسم عمودي هذا لاسم جديد إن شاء الله) .
* ونركب صافنات ونجيبة (كردفانية) واصلو الزول بيموت والذكرى تفضل حية .
* و..و..
* وأنا بفخر بيك يا وطني .
انت مالك ومال السياسة مشيت تقابض جبت لي نفسك الكلام خليك في عربيك الكسيح ده وخرمج خرمجتك وكلامك اللي لا بودي ولا بجيب فقط أقل من كلام مشجعين متعصبين وونسة حلة تحت عمود الكهرباء لا يمتون للكرة بصلة وقلت ليك ممكن الواحد يكتب 50 عمود يوميا ذي عمودك الفارغ ده هههه ولأنك لم تمارس الكرة إذن أنت مشجع لا تفقه عنها الا اسمها فمن أين أتى أمثالك ؟ لكن على قولك ده الحصل فعلا للمنتخب في بداية التصفيات لما كان المنتخب 9 من المريخ و 2 من الهلال بس نحنا ما افترينا ولا قلنا المنتخب هو المريخ شكلها كانتحرقاك القصة دي ههه عارف ليه ما اتكلمنا لأنو المريخ هو أصل الكورة واصل الهلال وانت طبعا عارف القصة التاريخية دي مايحتاج نحكيها لما المريخاب الزعلانين اختلفو ومشو كونو حاجة اسمها الهلال وخلو الزيك يشجعو ده تاريخكم وما بتقدر تنكرو ودي عقدتكم الاذلية مهما كبرتو ههه وفات عليك يا شاطر أن تشكيلة المنتخب كانت تتكون من أبوعشرين وأمير كمال وصلاح نمر وأحمد أدم وأطهر ومحمد الرشيد ورمضان عجب وضياء الدين وأبوعاقلة والتش والغربال طبعا الكلام ده قبل ما أبوعشرين والغربال يحترفو في الهلال وبالدولار كمان كنتو وين الوقت داك لما كان عندكم لاعبين فقط في المنتخب وبرضونحن شايفنهما مشكلة والكبار كبار
عدم موضوع
سؤال بسيط اللاعبين الذكرتهم وفرحان بيهم ديل ظهرو جديد ولا ياهم ناس أهلي شندي ههه
مهما كتبت ياود الطيب فلن تسلم من صبيان الكاهن اليخماو بقيادة ابو المستعار الخماسي صاحب الاسماء المتعددة وحتي لو لم تجيب سيرة الاصيفر لن يتركوك في حالك وربنا يعينك علي تفلتاتهم ولا تؤاخذوا المساطيل بسم اليخماو بما يقولون.
ود الطيب اليوم ضارب لية حاجة قوية كدة مضيعة الطاسة عند ..لاعبين هليل شنو من ماقمنا هم فى الصفر الدولى بعد ماضموا بتاعين شندى الفشلة كانوا اخر الدورى عاوزين تضيع بيهم اسم السودان قال اية قال الهليل يكون مكان المنتخب . انتظر الراجيكم من الاشانتى وبعدين تعال قول الهليل يكون مكان المنتخب
اما هجام فريق ام زين دا كيس فاضى وطلع ماسورة ذى لعبيين الهليل اما الكلام عن الدكتور دا مابتقدر علية لان دا دكتور مش ذى الشماسة البكتب عن الهليل ..ال……. ي… والجمال ماشة