الهلال بقى يغلب (برة وجوة) زي جلابية (جناح ام جكو) عدلتها وقلبتها واحد!!

ياخي الاشانتي فريق ضعيف جدا وأترك الأحلام يا جميل ومد رجلك على اد لحافك والفرق التي تهدد فيها لأن الهلال مرعب افضل ما تتشالق والكورة دوارة ولسه الهلال عايز سنوات حتى ينافس على البطولات وطبعا البطولات ثقافة لا تاتي بالنفخ الكاذب وبتدمير المريخ غدا ستنكشف الخبايا وقدامك هاوية فيها المريخ والأهلي القاهري والترجي والوداد والرجاء ومازيمبي والوفاق وما يغرك التفوق على الاشانتي الضعيف. باكر حاتخد علقة ساخنة في المجموعات وكلام الليل سيمحوه النهار. احلم واصلو الحلم مجانا.

والله العظيم يا عبدالملك لو كان دة المريخ هو الفاز على الاشانتي وفي امدرمان مش اكرا لقلت عكس كلامك دة مليون في المية. نحن عارفينكم كويس قال ايه صفوة؟ انهم صفوة الحاقدين. وخليك انت من ابوالهل شوف مريخك اذا تأهل ودخل المجموعات شوفوا حيمشي وين. فزنا على الفريق اليوعندي اللي طيركم قبل كدة في ارضه وفزنا على الاشانتي وهو من اشهر واشرس فرق القارة على ارضه , ام انتوا يا صفوة الحاقدين فنشوف حتفوزوا على منو في ارضه ونشوفكم حتعملوا شنو في المجموعات اذا تأهلتوا. ونحن ليكم بالمرصاد يا عبدالملك يا حاقد.

اخي عبدالملك: اتحداك تقول لي هلالابي واحد سخر او قلل من فوز المريخ على انيمبا او وصف انيبما بإنه حمام ميت. لكن ان تبادر انت وبدون اى مقدمات بوصف الاشانتي بإنو فريق ضعيف فواحدة من اثنين يا اما الحقد عمى عيونك او انك ما بتفهم في الكورة وانا لا اتصور مطلقا انك لا تفهم في الكورة. احد الاخوة المريخاب كان صادق وقال تعليق في محله تماما “والله قون الهلال في الاشانتي مسخ علينا ثلاثة انيمبا”. الهلال كان ولا زال وسوف يظل من افضل فرق القارة وسبق له ان وصل نهائي البطولة مرتين وانت تعرف تماما ما حصل في المرتين اللي وصل فيهم النهائي. من حقك ان تفرح للمريخ لكن لا تعتقد لحظة واحدة اننا حنسكت ونحن نقرأ تعليقاتك اللي تحاول من خلالها تبخيس فوز الهلال بهذا الشكل المؤسف. عندما فاز الهلال على فريق فايبرز قلتوا كمريخاب انو هدف الهلال كان هدية من فايبرز , الان هل هدفه في الاشانتي كان هدية برضو؟ اما محاولة الضرب على وتر الوطنية فإنت اول من يتوجب عليه تطبيق الامر دة على نفسك. الاستاذ محمد عبدالماجد بقدرما تغزل في الهلال لكنه بارك للمريخ فوزه. اين وطينتك انت اخي عبدالملك وانت تقلل من فوز الهلال بهذه الطريقة وتتعامل معنا وكأننا غنم لا نفهم؟ اتمنى ان تتوخى الوطنية كما قلت ولك التحية والاحترام.