*انتهي الفاصل لنواصل
*وقود النصر وتخطي الساحلي يسكن المدرجات الحمراء
*وزي ماقلنا امس
*اذا لم نوحد الراية و الهتاف لن يجدي تكدسنا بالمدرجات
*لازم يكون الهتاف واحد من كل جنبات الاستاد
*لازم تذوب راياتنا الصغيرة في راية المريخ الخفاقة
*لازم نسمو بطموحاتنا لابعد حدود
*لانوقف حدود الطموح عند الظهور في النهائي
*ولو انه ظهور مشرف
*الا انه اقل من طموحاتنا
*طموحنا الكاس عديل كده
*وحتي نؤكد ان طموح الجماهير هو البطولة
*يجب ان نقوم بادوارنا كاملة في مباراة النجم
*تشجيع بفهم
*باستراتيجية ترهب الخصم وترعبه
*تصبح وقود لاولادنا داخل الملعب
*فنحن نقود ثورة للتغيير
*نود ان نغير مفاهيم العرب عنا بأننا كنا
*نريد ان نغير مفاهيمهم عنا
*الي اننا كنا ثم بعدنا حينما استكنا والآن عدنا
*الحين عدنا ياعرب
*ولا اوصي الشفوت
*لانني لا اوصي حريص عاشق ولهان
*المهم
*الولاء للمنتخب بالذات حصتنا وطن
*لكن هل ماقام به الاتحاد السوداني له علاقة بالمنطق؟
*مباراة المنتخب مهما كانت نتيجتها
*غالبين
*مغلوبين
*درون
*قول ماجينا زاتو
*الامر واحد بالنسبة للمنتخب وبالنسبة للوطن
*ولكن موقف المريخ موقف حياة او موت
*تأهل المريخ يعود بالنفع علي الوطن
*ويزيد من حصة الاتحاد السوداني لدي الاتحاد العربي
*وخسارة المريخ لاقدر الله تؤدي للعكس
*فكيف غلب اتحادنا مصلحة المنتخب الغير واردة علي صالح المريخ المؤكد؟؟؟؟
*القصة ماقصة مصلحة ولكنها قصة مصلحة تشبع مابنفس يعقوب
*يعقوب
*يايعقوب
*حيرتنا
*المهم
*المنتخب اختار شلش
*بي كدارتو ولا حفيان يا اتحادنا؟؟
*كتاحة
*احفظوا اللقب ده كويس
*ايها الناس
*لاقتكم مجموعة زي دي من الله خلقكم؟
*لاقاكم زول مغلوب غلب زي ده وبصعد من المجموعة متأهلا؟؟؟
*غايتو الصاعدان من المجموعة دي بي طوف لي قدام مابمشو
*ايها الناس
*ياشفوت المدرجات
*الاجتهاد منذ الآن بكل قوة
*فانتم من يقود المريخ للنهائي بكل قوة
*المهم
*بتاع بحر بتونس مع بتاع بحر تاني
*الاول قال للتاني
*قروشنا الفي حساباتنا دي موش رزقنا؟
*التاني قال ليهو ايوة
*الاول قال للتاني
*قلت لي مافي زول بمسك رزق زول؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*زمان لعبنا احمد غايب في الركايب
*اسي اصبح الغنا
*الكاش زاتو غايب في الركايب
*يادوبك عرفنا الركايب يعني شنو
سلك كهربا ننساك كيف والكلب قال اسي انا سنوني صفر ولا حلبت الناقة؟هو فضل فيها ناقة؟؟؟
والي لقاء
سلك