> كانت معركة أم بلنتات شاهداً على سقوط جميع الأرقام القياسية الوهمية الصفرية
> فزناطير هذا الزمان لايملكون مع الصفر فكاكاً
> لذا هم لايملكون غير نشر وهم إنجازات ليست في حقيقتها كذلك
> علي شاكلة كأس الكنغو
> وعاشوا على وهمة كأس الكنغو حتى خرجت عليهم فطومة أختي بالحقائق المرة التي اختتمتها بسؤال محرج جداً للحشرات.
> هكذا أطلقت عليهم
> سألتهم متى حقق الهلال بطولة جوية طيلة تسعين سنة حتى تطالبوا كردنة بالحفاظ عليها
> هنا سقط كأس الكنغو بفريته وتعرى الصفر
> كان لابد لهم من بديل
> فأتوا بستينية الحفاظ على سجلهم بالدوري بدون هزيمة
> فكانت الواحد وستينية
> تاني هلالابي بجي بجي شارع واحد وستين ساي مافي
> معركة أم بلنتات سجلها التاريخ مع معركة أم دبيكرات
> لأنها أول لقاء بما يسمى النخبة
> دايماً أول اي شيء يسجله التاريخ باسم المريخ
> وأول مرة يتحسب بلنت بالممتاز ضد الهلال
> وبيبو هو أول لاعب مريخي تتحسب لصالحه ضربة جزاء في مباراة دورية بالممتاز ضد الهلال
> وبيبو هو أول لاعب مريخي يسجل في شباك الهلال بالممتاز من ركلة جزاء
> وبيبو هو أول لاعب يشوت فاول بره الخط تدخل قون في الهلال ويشوت بلنت وبرضك تدخل قون في نفس الهلال
> بيبو من جانا ما تم سنة جاب ليهو قونين في الهلال
> والتشششش
> أول تش يجيب بلنت يقول كش ويدخل القش
> قلنا ليكم بنتشكم ما صدقتونا يا روشا
> ولكن نأخذ على مدربنا إنو اكتفى بالهدفين وجاط الكورة
> لو ما اكتفى .. كان لي أسي ما قلتوا كفى
> والراجل تونسي والتوانسة ديل بعرفوا معنى كلمة زناطير كويس
> قلت لي زناطير طايرة يا فطومة وزناطير زاحفة
> زاحفة نحو الإستاد ولا من البف باف؟
> أفرزي يا فطومة يا أختي عشان الإبادة ما تكون من طرف
> المهم
> أهل المنتجع الكورة في ملعبهم
> ونظن أن يوم تسعه وعشرين سيحتل المنتجعاب المكان ويقتلوا الدبيب ويشيلوا الجوهرة
> الدبيب دايماً يحرس الجوهرة لابستفيد منها ولا بخلي الناس تستفيد
> أجي يا السرة!
> هكذا تسأل حواء الهلال
> أيها الناس
> تطور الكورة في البلد دي مرهون بتحكيم صاحي https://www.facebook.com/alMerreikh19/
> في هذه الحالة أجزم لكم السنة الجاية الهلال حايفارق صفرو يلعب في دوري العشرة تفادياً للهبوط
> قال ستين مباراة قال
> المهم
> البطن طاااااامة .. فتحية كبي حرجل
> فطومة كبي الزوغة
> بس أبعدن من النار دي ماتشكن
> تشششششش
> حاااارة .. حية
> أيها الناس
> إنها بداية المشوار لنيل البطولة لا خاتمة المطاف
> نحتاج لمزيد من الجهد والإصرار
> بالمناسبة
> الهلال عمرو ماغلبنا في النخبة
> رقم قياسي جديد يا روشا
> حااااااار
> أعمل حسابك ما يتشك
> أيها الناس
> إن تنصروا الله ينصركم
> آها
> نجي لي شمارات والي الخرتوم
> في التشكيل الجديد ما سمعنا بوزارة الباعوض الحصل فيها شنو ؟
> دي وزارة مهمة لأنو الباعوض يمثل تسعين بالمائة من سكان هذا الوطن
سلك كهربا
ننساك كيف والكلب قال وهل وزارة الباعوض حاتدمج مع وزارة الضبان تقليصاً للصرف؟
والي لقاء
سلك